मुंबई :- मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्या शपथविधी नंतर आता अनेक दिवसांपासून सुरू असलेल्या राजकीय चर्चाना पूर्णविराम मिळाला आहे.
या नंतर आता मंत्रिमंडळ विस्तार आणि विधानसभा अध्यांक्षाच्या निवडीची प्रक्रिया सुरु झाली आहे. विधानसभा अध्यक्षपदासाठी भाजपकडून राहुल नार्वेकर यांचे नाव घोषित झाले असून त्यांनी उमेदवारी अर्जही दाखल केला आहे.
एकंदर परिस्थिती पाहता संख्याबळ पाहाता राहुल नार्वेकर पुढील विधानसभा अध्यक्ष होणार असे जवळपास निश्चित झाले आहे.
नार्वेकर यांची निवड झाल्यास ते विधानसभेचे आजवरचे सर्वात तरूण अध्यक्ष असतील. राहुल नार्वेकर हे आधी शिवसेना, राष्ट्रवादी व आता भाजपात असून ते भाजपाचे आमदार आहेत. राहुल नार्वेकर यांना भाजपाने विधानसभा अध्यक्ष पदाचे उमेदवार जाहीर करत आणखी एक मास्टरस्ट्रोक खेळला आहे. राहुल नार्वेकर हे मुंबईतील कुलाबा मतदार संघाचे आमदार आहेत.
दरम्यान, राहुल नार्वेकर यांचे सासरे रामराजे नाईक निंबाळकर हे सध्या विधान परिषदेचे सभापती आहेत. सासरे आणि जावई यांची जोडी महाराष्ट्राच्या विधी मंडळावर पहायाला मिळू शकते.