राज्यात शिंदे-फडणवीस सरकार स्थापन होवून जवळपास 3 आठवडे झाले तरी नव्या सरकारचा मंत्रिमंडळ विस्तार झालेला नाही. त्यामुळे संपूर्ण जनतेचे मंत्रिमंडळ विस्ताराकडे लक्ष आहे. मंत्रिमंडळ विस्तार दोन टप्प्यात होण्याची शक्यता वर्तवली जात आहे. पहिल्या टप्प्यात 12 जणांचा शपथविधी होऊ शकतो यात भाजपकडून सात तर शिंदे गटाकडून पाच मंत्र्यांचा शपथ दिली होईल, अशी माहिती सूत्रांनी दिली.
दुसरीकडे मंत्रिमंडळ विस्ताराच्या मुद्द्यावरुन विरोधकांकडून नव्या सरकारवर ताशेरे ओढले जात आहेत. हे सरकार लवकरच कोसळेल असे विरोध वारांवर म्हणत आहेत. सत्ता स्थापन झाल्यानंतर पहिल्या आठवड्यातच मंत्रिमंडळ विस्तार होणे अपेक्षित होते. दरम्यान, मुख्यमंत्री शिंदे व उपमुख्यमंत्री फडणवीस दिल्ली दौऱ्यावर असल्याने या चर्चांना उधाण आले आहे.
त्यामुळे मंत्रिमंडळ विस्तार आता उद्याच होण्याची शक्यता वर्तवली जात आहे. या दौऱ्यात ते अमित शाह यांची भेट घेण्याची शक्यता आहे. यात विस्ताराचा निर्णय घेतला जाऊ शकतो.