येवला (वार्ताहर) :- येवला शहरातील वॉटर सप्लाय हाऊस समोर सापडलेल्या मृतदेहाबाबत अखेर येवला शहर पोलिसांत खुनाचा गुन्हा दाखल करण्यात आला आहे.
येवला शहर पोलिसांनी दिलेल्या माहितीनुसार येवला शहर पोलीस स्टेशन हद्दीमध्ये येणार्‍या शहराला पाणीपुरवठा करणार्‍या तलावाजवळ वॉटर सप्लाय हाऊस समोर झाडी झुडपांमध्ये परिसरातील बेपत्ता असलेले सुधाकर लक्ष्मण गायकवाड यांचा मृतदेह आढळून आला होता. दरम्यान हा घातपात आहे की आत्महत्या याबाबत तर्क-वितर्क लावले जात होते.
पोलिसांनी सखोल तपास करून गायकवाड यांचा कुणीतरी घातपात केला असल्याचा संशय बळावल्याने त्यांच्या नातेवाईकांच्या तक्रारीवरून शहर पोलिसात भादंवि 302 अंतर्गत खुनाचा गुन्हा दाखल केला असून लवकरच आरोपींना अटक केली जाईल, अशी माहिती पोलिस निरीक्षक भगवान मथुरे यांनी दिली आहे पुढील तपास येवला शहर पोलीस उपनिरीक्षक मनोहर मोरे हे करीत आहे.