वास्तुशास्त्रानुसार घरातील दिशांना खूप महत्व आहे. घरात कोणत्या दिशेला कोणती वस्तू ठेवणे योग्य आहे हे फार महत्वाचं असतं. जर आपण वास्तुनुसार घर बांधले नाही किंव्हा वास्तुनुसार वस्तू योग्य जागी ठेवल्या नाही तर घरात अशांतता निर्माण होते.घरातील चांगले स्पंदने आणि वास्तू कला यांच्यातील संबंध समजून घेणे महत्त्वाचे आहे. म्हणून आपण वास्तूशास्त्रानुसार घराचे डिझाइन करून घेतो, जेणेकरून घरामध्ये नेहमी आनंद वातावरण व लक्ष्मीची भरभराट होत राहो. घरात सकारात्मक ऊर्जा रहावी यासाठी अनेक लोक आपल्या घरात भिंतीवर धावणाऱ्या घोड्यांची छायाचित्रे लावतात.
सात धावत्या घोड्यांच्या छायाचित्राचे वास्तुशास्त्रात खूप महत्व आहे. वास्तूनुसार सात घोड्यांची छायाचित्र लावणे हे वृद्धी आणि सौभाग्यासाठी खूप शुभ मानले जाते. तसेच वास्तूमध्ये या धावत्या घोड्यांना प्रगती आणि शक्तीचे प्रतीक मानले गेले आहेत. वास्तुनुसार सात हा अंक शुभ मानला जातो. त्यामुळे या सात धावत्या घोड्यांचे छायाचित्र व्यवसायाच्या ठिकाणी अधिक शुभ मानले जाते, यामुळे व्यवसायात प्रगती होते.
तुम्ही जेव्हा काम करण्यासाठी केबिनमध्ये बसता तेव्हा हे सात घोड्यांचे चित्र अशा प्रकारे भिंतीवर लावा की घोडा जणू आत येत आहे. यामुळे तुमच्या व्यवसायात प्रगती होते आणि पैशांची कमतरता भासत नाही.वास्तुनुसार कामाच्या ठिकाणी तसेच घरामध्ये सात धावणाऱ्या घोड्यांचे चित्र पूर्व दिशेला लावल्यास तुमच्या कामकाजावर याचा चांगला परिणाम होतो. आणि काम करण्याची क्षमता देखील वाढते.
वास्तुशास्त्रानुसार सात धावत्या घोड्यांचे छायाचित्र घराच्या दक्षिण दिशेला लावले तर ते यश आणि यशाचा कारक बनते.घरात धावणाऱ्या घोड्याचे चित्र लावण्यापूर्वी हेही लक्षात ठेवा की घोड्यांचे चित्र हे युद्धामध्ये रथ ओढत असलेले नसावे. चित्र अगदी साधे फक्त धावणारे घोडे असावे.तसेच घरामध्ये किंवा ऑफिसच्या केबिनमध्ये आक्रमक ७ धावत्या घोड्यांचे चित्र वास्तूनुसार दुर्दैवाचे प्रतीक मानले जाते. वास्तुनुसार सात पांढरे घोडे शांततेने वास्तू चालवतात आणि ते समृद्धी आणि सौभाग्य आणू शकतात. म्हणून ७ धावणाऱ्या घोड्यांच्या वास्तू छायाचित्रासाठी पांढरा रंग सर्वात योग्य मानला जातो.
