अभिनेत्री परिणीती चोप्राने गोंडस बाळाला जन्म दिला आहे. मुलाच्या जनमाआधी ती दिल्लीला आली होती. रविवारी सकाळी तिला रुग्णालयात दाखल करण्यात आले होते. बाळाचा जन्म झाल्यानंतर राघव चड्ढा आणि परिणीते सोशल मीडियाच्या माध्यमातून पोस्ट शेअर करत मुलगा झाल्याची वार्ता दिली. पोस्ट शेअर करताच राजकीय आणि बॉलिवूड क्षेत्रातून तसेच फॅन्सकडून अभिनंदनाचा वर्षाव त्यांच्यावर होत आहे. 

ऑगस्टमध्ये परिणीती व राघव यांनी सोशल मीडिया पोस्ट शेअर करत चाहत्यांना ते लवकरच आई-बाबा होणार असल्याचं सांगितलं होतं. अभिनेत्रीने एका केकवर १+१=३ असं कॅप्शन आणि त्याखाली चिमुकल्या पायांचे ठसे असलेला फोटो शेअर केला होता. आता दिवाळीच्या मुहूर्तावर अभिनेत्रीच्या घरी गोंडस बाळाचं आगमन झालेलं आहे.

सोशल मीडियावर पोस्ट शेअर करत या जोडप्याने दिवाळीच्या मुहूर्तावर आमच्या घरी गोंडस मुलाचं आगमन झाल्याची आनंदाची बातमी सर्वांना दिली आहे. ही बातमी समोर येताच सोशल मीडियावर अभिनंदनाचा वर्षाव सुरू झाला आहे. प्रियंका चोप्रा ही देखील या बातमीने खूप आनंदित झाली आहे. 

मावशी बनलेल्या प्रियंका चोप्राने सोशल मीडियावर आपली बहीण परिणीती आणि मेहुणा राघव यांच्यासाठी एक खास मेसेज शेअर केला. परिणीती आणि राघवची पोस्ट शेअर करत प्रियंकाने कॅप्शनमध्ये लिहिले, "परिणीती आणि राघव यांना खूप खूप शुभेच्छा".