बॉलिवूडची हॅलोविन पार्टी म्हणजे चर्चा तर होणारच. बॉलिवूड स्टार्सने देखील हॅलोविन पार्टी मोठ्या उत्साहात साजरा केली. कलाकारांचे फोटो आणि व्हिडिओंनी सोशल मीडियावर व्हायरल होत आहेत. व्हिडिओत बी-टाउन स्टार्स वेगवेगळ्या लूकमध्ये दिसत आहे.
सोशल मीडिया इन्फ्लुएंसर ओरीने त्याच्या सोशल मीडिया अकाउंटवर हॅलोविन पार्टीचा व्हिडिओ शेअर केला आहे. व्हिडिओमध्ये बी-टाउन स्टार्सची झलक दिसते. काही स्टार्सनी हॅलोविन थीमनुसार कपडे घातले तर काहींनी चित्रपटातील पात्रांचा लूक केला.
पार्टीमध्ये दीपिका पदुकोण आणि रणवीर सिंग यांनी सर्वाधिक लक्ष वेधून घेतले. व्हिडिओमध्ये, दीपिका लेडी सिंघमच्या वेशात काळा चष्मा घातलेली दिसली. तर, रणवीर सिंग पूर्णपणे स्पायडरमॅनच्या वेशात होता. आलिया भट्टनेही टॉम्ब रेडरमधील लारा क्रॉफ्टच्या वेशात पार्टीला हजेरी लावली.
चित्रपट निर्माता करण जोहरने नेटफ्लिक्सच्या लोकप्रिय मालिकेतील, ब्रिजरटनमधील अँथनी ब्रिजरटनचा लूक केला. जान्हवी कपूर, खुशी कपूर, आर्यन खान, दिशा पटानी आणि अर्जुन कपूर यांच्यासह इतर प्रमुख बॉलीवूड कलाकारांनी त्यांच्या स्वतःच्या अनोख्या पद्धतीने पार्टीत लूक केला. विशेष म्हणजे या पार्टीत अंबानी कुटुंब देखील उपस्थित होते.