जपानच्या प्रसिद्ध टोयोसु फिश मार्केटमध्ये वर्षातील पहिला लिलाव अनेकदा चर्चेत असतो, आणि यावर्षीचा लिलाव तर जगाला आश्यर्यचकित करून सोडणारा नाही. नवीन वर्षाच्या पहिल्या लिलावात, एका माशाची विक्री कोटींमध्ये झाली. ब्लूफिन टूनाच्या लिलावाने जगात नवा इतिहास रचला आहे.

ब्लूफिन ट्यूनाच्या लिलावाने सर्वांनाच धक्का बसला.  243 किलो वजनाचा हा मासा 510 मिलियन येन (सुमारे 29 कोटी रुपये) एवढ्या किमतीला विकण्यात आला. उच्च दर्जाच्या ट्यूनासाठी प्रसिद्ध असलेल्या उत्तर जपानमधील ओमा किनाऱ्यावर हा मासा पकडण्यात आला. पण इतक्या जास्त किमतीत हा मासा कोणी विकत घेतला आणि का ? असा प्रश्न तुम्हालाही पडला असेल ना. चला जाणून घेऊया..

खरंतर जपानमध्ये, नवीन वर्षात होणाऱ्या पहिल्या लिलावात सर्वात मोठा मासा खरेदी करणे शुभ मानले जाते. हे व्यवसायात समृद्धी आणि शुभेच्छा यांचे प्रतीक मानले जाते. त्यामुळे इतक्या मोठ्या बोलीमुळे, एवढ्या किमतीमुळे ‘सुशी झनमाई’ या सुशी चेनला जगभरात मोफत प्रसिद्धी मिळते. ग्राहकांना आकर्षित करण्याचा हा एक उत्तम मार्ग आहे. जपानच्या अर्थव्यवस्थेत सुधारणा होण्याची आशा आहे, असं या लिलावानंतर टूना किंगने सांगितलं. 

सर्वात धक्कादायक गोष्ट म्हणजे या टूना फिशसाठी 29 कोटी रुपये मोजल्यानतंरही टूना किंग आता हा मासा जास्त किमतीत विकणार नाहीत. ही खरेदी नफा कमविण्यासाठी नाही, तर ग्राहकांसोबत नवीन वर्ष साजरे करण्यासाठी आहे असं ते म्हणाले. या लिलावानंतर, हाँ ब्लूफिन टूना सर्व सुशीझानमाई आउटलेटवर पाठवण्यात आला, जिथे तो ग्राहकांना सामान्य सुशीच्याच किमतीत विकला जाणार आहे.