मेष राशी - बिझनेस करणाऱ्यांसाठी आजचा दिवस चांगला आहे. कामाच्या ठिकाणी नवीन मार्गांनी फायदा होईल त्यामुळे तुमचं उत्पन्न वाढेल. स्वभाव आज काहीसा चिडचिडा होईल. त्यामुळे अनावश्यक राग टाळणे हिताचे ठरेल. कुटुंबातील सदस्यांशी वाद होण्याची शक्यता आहे. त्यामुळे बोलताना संयम ठेवा.
वृषभ राशी - आज बोलण्यावर आणि वागण्यावर नियंत्रण ठेवणे आवश्यक आहे. मित्राकडून एखादी चांगली बातमी मिळेल. तुमची हरवलेली प्रिय वस्तू आज सापडण्याची शक्यता. तुम्हाला तुमच्या मामाच्या घरून आर्थिक मदत मिळू शकते. जर तुम्ही कोणाला पैसे उधार दिले असतील तर ते तुम्हाला परत मिळू शकतात.
मिथुन राशी - मिथुन राशीच्या लोकांची निर्णयक्षमता आज उत्तम राहील. बुद्धिमत्तेच्या जोरावर तुम्ही विरोधकांवर सहज मात कराल. उत्पन्नाचे नवीन स्रोत निर्माण होतील. कामातील अडथळे दूर होतील. जुना आजार पुन्हा डोके वर काढू शकतो, त्यामुळे तब्येतीची काळजी घ्या. आर्थिक व्यवहारात स्पष्टता ठेवा. कारण उधार घेतलेले पैसे परत करावे लागू शकतात.
कर्क राशी - आजचा दिवस तुमच्यासाठी महत्त्वाचा आहे. तुम्ही धार्मिक कामांमध्ये जास्त रस घ्याल. खर्च वाढू नये म्हणून लक्ष ठेवा, नाहीतर अडचणी येऊ शकतात. तुमच्या काही चुकांमधून शिका. नोकरी शोधणाऱ्या लोकांना चांगली बातमी मिळू शकते. बिझनेसच्या कामासाठी तुम्ही लांबचा प्रवास करू शकता.
सिंह राशी - सिंह राशीसाठी आजचा दिवस काहीसा खर्चाचा असेल. परंतु तुम्ही प्रगतीच्या दिशेने वाटचाल कराल. जुन्या चुकांमधून धडा घेऊन पुढे जाणे फायद्याचे ठरेल. विद्यार्थ्यांना मानसिक तणावातून दिलासा मिळेल. स्वतःच्या कामापेक्षा दुसऱ्यांच्या कामात जास्त लक्ष द्याल तर तुमचं नुकसान होऊ शकतं.
कन्या राशी - कन्या राशीच्या व्यक्तींच्या निर्णयक्षमतेत सुधारणा होईल. रागावर नियंत्रण ठेवा. भावंडांना दिलेला सल्ला त्यांच्यासाठी फायदेशीर ठरेल. सासरच्या मंडळींकडून येणे असलेले पैसे परत मिळण्याची शक्यता आहे. एखाद्या मोठ्या प्रोजेक्टवर काम करण्याची संधी मिळेल.
तूळ राशी - तूळ राशीच्या कुटुंबातील सदस्यांसोबत आजचा वेळ आनंदात जाईल. तुमच्या मनातील नवीन कल्पनांमुळे घरातील वातावरण सकारात्मक राहील. घरात शुभ कार्याचे संकेत आहेत. आत्मविश्वास वाढलेला असेल. मात्र विरोधकांपासून सावध राहा. मुलांच्या शैक्षणिक अडचणी सोडवण्यासाठी वेळ द्यावा लागेल. तुमची एखादी मोठी इच्छा पूर्ण होऊ शकते.
वृश्चिक राशी - वृश्चिक राशीच्या खर्चाचे प्रमाण आज जास्त राहील. कार्यक्षेत्रात काही नवीन आव्हाने समोर येऊ शकतात. संपत्तीत वाढ झाल्याने मन प्रसन्न राहील, पण व्यावसायिक कामात काहीसा विलंब होण्याची शक्यता आहे. मुलांच्या उच्च शिक्षणासाठी परदेशाचे योग जुळून येतील. जुने आर्थिक व्यवहार समस्या निर्माण करू शकतात, मात्र महत्त्वाच्या व्यक्तींशी गाठीभेटी होतील.
धनु राशी - धनु राशीच्या लोकांचा आजचा दिवस जबाबदारीने काम करण्याचा आहे. मानसिक ताण कमी होईल. प्रलंबित कामे पूर्ण झाल्याने दिलासा मिळेल. आजचा दिवस तुमच्यासाठी महत्त्वाचा आहे. जमीन किंवा बांधकाम संबंधित कामात सावधान राहा. व्यापारात योजना जपून पुढे न्या.
मकर राशी - आज तुम्हांला गमावलेले पैसे परत मिळू शकतात. भागीदारीत व्यवसाय करण्याची संधी मिळू शकते. नोकरी बदलण्याचा विचार करत असाल तर प्रयत्न करण्यास हरकत नाही. इतरांशी संवाद साधताना काळजी घ्या. मुलांनी त्यांच्या जबाबदाऱ्या चोख पार पाडल्यामुळे समाधान वाटेल.
कुंभ राशी - आज व्यवसायातील अडचणी दूर होऊन कामे सुरळीत पार पडतील. वडिलांच्या एखाद्या सल्ल्यामुळे किंवा बोलण्यामुळे अस्वस्थता जाणवू शकते. मुलांच्या शिक्षणाबाबत महत्त्वाचे निर्णय घ्यावे लागतील. अविवाहितांसाठी नवीन नात्याची सुरुवात होऊ शकते. कामाच्या ठिकाणी राजकारणापासून दूर राहणे हिताचे ठरेल.
मीन राशी - आज तुमच्या आरोग्याची काळजी घ्या. तब्येतीसाठी दिवस थोडा कठीण आहे. तुमच्या कामांची एक लिस्ट तयार करा. आरोग्याच्या समस्यांकडे दुर्लक्ष करू नका. त्या वाढू शकतात आणि मोठ्या आजारात रूपांतर होऊ शकतं. कोणताही करार करताना विचारपूर्वक सही करा. कामाच्या दरम्यान टेन्शन घेऊ नका. रिस्क असलेले काम करू नका. नुकसान होऊ शकतं. त्यामुळे सावधान राहा.
