दरम्यान याबाबत मिळालेल्या माहितीनुसार , मावळच्या कासरसाई धरणात बुडून थेरगाव येथील एम एम कॉलेजच्या विद्यार्थ्यांचा मृत्यू झाल्याची दुर्दैवी घटना घडली. सारंग रामचंद्र डोळसे असे मृत्यू झालेल्या विद्यार्थ्याचे नाव आहे. कॉलेजला सुट्टी टाकून थेरगाव येथील एमएम शाळेचे पाच विद्यार्थी कासारसाई धरणावर पर्यटनासाठी आले होते. धरण बघत असताना पाण्यात उतरून खेळण्याचा मोह सारंगला आवरला नाही. पाण्यात उतरुन खेळत असताना पाण्याच्या खोलीचा त्याला अंदाज आला नाही आणि तो खोल पाण्यात वाहून गेला.