यासाठी काही नियमांमध्ये बदल करण्यात आले आहे. आता तुम्हाला EPFO प्रोफाइल अपडेट करण्यासाठी कोणत्याही कागदपत्रांची गरज भासणार नाही. EPFO च्या या निर्णयामुळे ३.९ लाख सदस्यांना लाभ मिळणार आहे.

ईपीएफओ सिस्टीम अपडेट झाले आहे. आता या नवीन अपडेटमध्ये कोणताही सदस्य कोणत्याही कागदपत्रांशिवाय सोप्या पद्धतीने आपली वैयक्तिक माहिती बदलता येणार आहे.

ईपीएफओ सिस्टीममध्ये तुम्ही नाव, जन्मतारीख, लिंग, राष्ट्रीयता, आई-वडिलांचे नाव, लग्नाचा दाखला, नवऱ्याचे नाव ही माहिती एडिट करु शकतात. कोणत्याही कागदपत्राशिवाय तुम्हाला हे काम करता येणार आहे. 

ईपीएफओने याबाबत माहिती दिली आहे. ज्या सदस्यांचे युनिव्हर्सल अकाउंट नंबर आधार कार्डसोबत वेरिफाय केले आहे. त्यांना कोणत्याही कागदपत्राशिवाय माहिती बदलता येणार आहे. तक्रारी कमी करणे हा यामागचा उद्देश आहे. सध्या जर काही बदल असतील तर त्यासाठी २८ दिवसांचा कालावधी लागतो.

(https://unifiedportal-mem.epfindia.gov.in/memberinterface/) या वेबसाइटवर जायचे आहे. त्यानंतर यूएएन नंबर, पासवर्ड टाकून लॉग इन करायचे आहे. यानंतर मॅनेज टॅबवर क्लिक करायचे आहे.

यानंतर तुम्हाला जे काही अपडेट करायचे आहे त्यावर क्लिक करुन मोडिफाय बेसिक डिटेल्सवर क्लिक करायचे आहे.

यानंतर आवश्यक माहिती भरायची आहे. ईपीएफ आणि आधारमधील माहिती सेम असणे गरजेचे आहे. त्यानंतर आधार कार्ड, पॅन कार्ड, जन्मदाखला अपलोड करायचा आहे.