सीरियाची राजधानी दमास्कसमधील लष्कराच्या मुख्यालयावर इस्त्रायलकडून बॉम्ब हल्ला करण्यात आला असल्याची माहिती समोर आली आहे.
इस्त्रायलकडून करण्यात आलेल्या या हल्ल्यात अनेक सिरियन नागरिकांचा मृत्यू झाला असल्याची माहिती देखील समोर येत आहे.
या हल्ल्याबाबत इस्त्रायली संरक्षण दलाने सोशल मीडियावर पोस्ट करत माहिती दिली आहे.
पोस्टमध्ये म्हटले आहे की सीरियातील लष्कराच्या मुख्यालयाच्या प्रवेशद्वारावर हल्ला करण्यात आला आहे. या हल्ल्यात लष्कराच्या मुख्यालयाचे मोठे नुकसान झाले आहे.
इस्रायलने सीरियाची राजधानी दमास्कसमधील लष्कराच्या मुख्यालयावर ड्रोनद्वारे हल्ला केला आहे. असे सांगितले जात आहे की इस्रायली ड्रोनने दमास्कसमधील उमय्याद चौकात हल्ला केला आहे.
या हल्ल्यात अनेक सीरियन लोक मारले गेल्याचे वृत्त आहे. या हल्ल्यापूर्वी इस्रायल आणि सीरियामध्ये ड्रुझ मुद्द्यावर करार झाला होता. दोन्ही बाजूंनी शांततेची चर्चा झाली होती, परंतु 24 तासांत इस्रायलने सीरियावर हल्ला केला.
संघर्ष सुरू झाल्यापासून, इस्रायलने दक्षिण सीरियामध्ये लष्कराच्या ताफ्यांवर अनेक हल्ले केले आहेत आणि सीमेवर सैन्य तैनात देखील वाढवले आहे. इस्रायलचे म्हणणे आहे की ते दारुझचे संरक्षण करण्यासाठी असे करत आहेत.
