मंत्रालय, मुंबई. ठाणे आणि नाशिकमधले अधिकारी या हनी ट्रॅपमध्ये फसलेत. काँग्रेस नेते नाना पटोले यांनी विधानसभेत आज याबाबतचा पेन ड्राईव्ह दाखवत खळबळ उडवून दिली आहे. ठाणे आणि नाशिकमध्ये महिलांनी पोलीस स्टेशनमध्ये तक्रार केल्यानंतर या प्रकरणाला सुरुवात झाली. या हनी ट्रॅपचं जाळं मुंबई, ठाणे, पुणे, नाशिकमध्ये पसरल्याचं मानलं जात आहे. या हनी ट्रॅपमध्ये राज्यातले एकूण 72 सरकारी अधिकारी सापडल्याचा आरोप आहे. 

त्यामध्ये सात क्लास वन प्रशासकीय अधिकारी, सनदी अधिकारी, आजी-माजी मंत्री, राज्यातले 3 डीसीपी अर्थात पोलीस आयुक्त, काही महसूल अधिकारी, पोलीस निरीक्षक, सहाय्यक पोलीस आयुक्त  यामध्ये अडकल्याचा आरोप आहे. 

नाशिकच्या एका फाईव्हस्टार हॉटेलमध्ये हा सगळा प्रकार सुरू होता. हनी ट्रॅपमध्ये फसवणाऱ्या या महिलेला 2016 मध्ये पोलिसांनी पकडलं होतं. ती विधवा असल्याचं सांगते. मदत मागण्याचा बहाणा करते. व्हॉटसअप चॅट करते, नंतर व्हिडीओ रेकॉर्ड करते. गुपचूप फोटो आणि व्हिडीओ काढते नंतर हेच व्हिडीओ दाखवून बदनामी करायची धमकी देते. त्या बदल्यात 40 लाख उकळते.