देवळाली  कॅम्प : नाशिक तालुक्यातील लोहशिंगवेत वन खात्याने लावलेल्या पिंजऱ्यात नर जातीचा बिबट्या जेरबंद झाल्याने नागरिकांनी तात्पुरता विश्वास टाकला आहे.  अद्यापही या भागात बिबटे मोकाट फिरत असल्याने त्यांचाही वेळीच बंदोबस्त करण्याची मागणी ग्रामस्थांकडून होत आहे.

लोहशिंगवेत येथील जगन्नाथ बापुराव पाटोळे यांच्या मळ्यातील गट क्रमांक ३१ मध्ये आठ दिवसांपूर्वी वन खात्याने पिंजरा लावला होता त्यातील सावध टिपण्याच्या प्रयत्नात बिबट्या अलगत जाळ्यात फसला. बिबट्याने केलेल्या सुटकेच्या प्रयत्नात परिसरातील नागरिक जागे झाले. त्यांनी तातडीने वन अधिकारी यांना बिबट्या जेरबंद झाल्याची माहिती दिली तसेच याबाबतची माहिती गावात पसरताच बिबट्याला बघण्यासाठी  नागरिकांनी मोठी गर्दी केली होती.  बिबट्या जेरबंद झाल्याची माहिती मिळताच वनाधिकारी विजयसिंह पाटील, अशोक खानझोडे,अंबादास जगताप यांनी घटनास्थळी येऊन पिंजरा ताब्यात घेत नाशिक येथील गंगापूर रोपवाटिका मध्ये हलवण्यात आला.