बीड जिल्ह्यातल्या मस्साजोग गावचे सरपंच संतोष देशमुख प्रकरणात पोलिसांनी वाल्मिक कराड याला अटक केली  आहे. अशातच आता आणखी एका प्रकरणात वाल्मिक कराड याच्या अडचणीत वाढ होण्याची शक्यता आहे.  परळीतील महादेव मुंडे हत्या प्रकरणात खळबळजनक माहिती समोर आली आहे. 

 

ज्ञानेश्वरी मुंडे यांनी पुन्हा एकदा वाल्मिक कराडवर गंभीर आरोप केले आहेत. न्याय मिळायला हवा यासाठी मी सर्व नेत्यांची भेट घेणार आहे,  मुख्यमंत्री यांच्यावर पुर्ण विश्वास आहे, पण मुंडे यांच्या बंगल्यावरून फोन जायचे, त्यामुळे वाल्मिक कराडच्या भितीपोटी पोलिसांनी तपास थांबवला असा गंभीर आरोप ज्ञानेश्वरी मुंडे यांनी केला आहे. दरम्यान पुढे बोलताना त्या म्हणाल्या की, धनुभाऊंनी खरं तर भूमिका घ्यायला हवी होती, पण त्यांनी ती घेतली नाही, मला याची खंत आहे.