सावित्रीबाई फुले पुणे विद्यापीठासारख्या मान्यताप्राप्त विद्यापीठाचे प्रमाणपत्रही इंडियन सिक्युरिटी प्रेस येथे छापली जावी अशी इच्छा अनेकांनी व्यक्त केली होती. बाहेरच्या खासगी प्रेसला दिल्या जाणार्‍या निविदेत केवळ सहा सुरक्षा मानके होती. दरही काही पट अधिक होते. त्यामुळे पुणे विद्यापीठावर प्रमाणपत्र कागद खरेदीतील भ्रष्टाचाराचेही आरोप व चर्चा होत. यावर उपाय म्हणून नाशिकच्या शासकीय इंडियन सिक्युरिटी प्रेसमध्ये छपाई व्हावी, अशी मागणी मी दोन वर्षांपूर्वी मॅनेजमेंट काऊन्सिलमध्ये केली होती. झालेला निर्णय विद्यापीठाच्या दृष्टीने ऐतिहासिक आहे. यामुळे विद्यापीठाच्या कोट्यवधी रुपयांची बचत होणार असून, प्रमाणपत्रेही अतिसुरक्षित होणार आहेत.