लहान मुलांच्या सर्दी-खोकल्याच्या औषधांबाबत केंद्र सरकारने मोठा निर्णय घेतला आहे. म्हणून बाळांनो आताच लक्ष द्या आणि हे औषधे नेमकी कोणते आहेत तपासा. लहान मुलांच्या आरोग्याचे रक्षण करण्यासाठी सरकारने  एक मोठे पाऊल उचललं आहे. ४ वर्षांखालील मुलांसाठी सर्दी आणि खोकल्याच्या औषधांच्या वापरावर सरकारकडून बंदी घातण्यात आली आहे.

केंद्र सरकारने ४ वर्षांखालील मुलांना सर्दी-खोकल्यासाठी दिल्या जाणाऱ्या औषधांबााबत आज मोठा निर्णय घेतला आहे. क्लोरफेनिरामाइन मॅलेट आणि फेनिलेफ्राइन हायड्रोक्लोराइड असलेल्या सर्व फिक्स्ड डोस कॉम्बिनेशन औषधांच्या उत्पादन, विक्री आणि वितरणावर कडक निर्बंध लादले आहेत. या सर्व प्रकारच्या औषधांवर बंदी घालण्यात आली आहे. हे मिश्रण लहान मुलांसाठी असुरक्षित असून त्यामुळे आरोग्यास गंभीर धोका निर्माण होऊ शकतो, असे मत तज्ज्ञांच्या समितीने व्यक्त केले आहे.

सरकारने जारी केलेल्या नवीन आदेशानुसार, क्लोरफेनिरामाइन मॅलेट आणि फेनिलेफ्राइन हायड्रोक्लोराइड हे दोन घटक असलेल्या सर्व एफडीसी औषधांवर बंदी घालण्यात आली आहे. ही औषधं ४ वर्षांखालील मुलांसाठी वापरू नयेत असं औषधांवर लिहिणं बंधकारक असणार आहे. हा अलर्ट औषधाच्या लेबलवर, पॅकेज इन्सर्टवर आणि प्रचारात्मक साहित्यावर स्पष्टपणे दर्शवला पाहिजे असे केंद्र सरकारने सांगितले. केंद्र सरकारने औषध कंपन्यांना लेबलआणि पॅकेजवर स्पष्टपणे नमूद करण्यास सांगितले आहे की, हे औषध चार वर्षांखालील मुलांसाठी नाही.

केंद्र सरकारच्या अहवालानुसार, सरकारने तज्ज्ञ समिती आणि औषध तांत्रिक सल्लागार मंडळाच्या शिफारशींच्या आधारे हा निर्णय घेतला आहे. केंद्र सरकारने सांगितले की, या औषध मिश्रणांच्या वापरामुळे ४ वर्षांखालील मुलांना धोका निर्माण होऊ शकतो. तर याच वयोगटातील मुलांसाटी तुलनेने सुरक्षित औषधांचे पर्याय उपलब्ध आहेत. याआधी १५ एप्रिल २०२५ रोजी जारी केलेल्या अधिसूचनेद्वारे क्लोरफेनिरामाइन मॅलेट आणि फिनाइलफ्राइन हायड्रोक्लोराइड असलेल्या विशिष्ट एफडीसींवर वयाशी संबंधित अशाच इशारा केंद्र सरकारने लागू केला होता. सरकारने आता या तरतुदीची व्याप्ती वाढवून त्यात हे दोन घटक असलेल्या सर्व फॉर्म्युलेशन्सचा समावेश केला आणि या औषधांवर बंदी घातली.