ज्येष्ठ अभिनेते धर्मेंद्र यांच्यावर मुंबईतील रूग्णालयात उपचार सुरू आहेत. मात्र, त्यांच्या निधनाच्या अफवा पसरल्याने पत्नी हेमा मालिनी आणि मुलगी ईशा देओल यांनी खंडन केले आहे. मागील काही दिवसांपासून सतत धर्मेंद्र यांच्या तब्येतीबद्दल विविध चर्चा सुरू आहेत आणि त्यामध्येच पहाटे त्यांच्या निधनाची बातमी पसरली.ईशा देओल हिने सोशल मीडियावर पोस्ट शेअर करत संताप व्यक्त केला. 

वडिलांच्या निधनाची अफवा पसरल्यानंतर स्वत: ईशा हिने सोशल मीडियावर पोस्ट शेअर केली आणि ही अफवा असल्याचे सांगितले. यानंतर ईशा देओल हिने थेट ब्रीच कँडी हॉस्पिटल गाठले. ईशा देओल धर्मेंद्र यांना रूग्णालयात दाखल केल्यानंतर सतत त्यांच्यासोबत आहे. हेमा मालिनी या देखील रूग्णालयात असल्याची माहिती मिळतंय.

धर्मेंद्र यांच्यावर उपचार सुरू असून त्यांच्या तब्येतीमध्ये सुधार होत असल्याचे त्यांच्या कुटुंबियांनी म्हटले. कालपासून धर्मेंद्र यांना बघण्यासाठी बॉलिवूड कलाकार जात आहेत. त्यामध्येच सकाळी त्यांच्या निधनाची बातमी आली आणि एकच खळबळ उडाली. मात्र, त्यांच्या निधनाची बातमी फक्त आणि फक्त अफवा असल्याचे स्पष्ट झाले. 89 वर्षाचे धर्मेंद्र असून त्यांची तब्येत नाजूक असल्याचे सांगितले जाते.