आधारकार्डप्रमाणेच पॅनकार्ड देखील अत्यंत महत्त्वाचे कागदपत्र आहे. पण याच पॅन कार्डमुळे तुम्ही कर्जबाजारी होण्याचा धोखा देखील वाढतो. पॅन कार्डसंबंधी तुम्हाला लहान वाटणाऱ्या चुका या फार मोठ्या ठरू शकतात. ज्याचा तुम्हाला गंभीर परिणाम भोगावा लागू शकतो. इतका की दुसऱ्याने घेतलेल्या कर्जाने तुम्ही कर्जबाजारी होऊ शकतात. पण या छोट्या वाटणाऱ्या चुका टाळून तुम्ही होणाऱ्या परिणामांपासून सुरक्षित राहू शकतात. 

पॅन कार्डवर चालणारे कोणतेही कर्ज मिळवण्याचा  खात्रीशीर मार्ग म्हणजे क्रेडिट रिपोर्ट तपासणे. सिबिल, एक्सपेरियन, इक्विफॅक्स आणि सीआरआयएफ हाय मार्क सारख्या क्रेडिट ब्युरो आपल्या नावाने घेतलेल्या प्रत्येक कर्ज आणि क्रेडिट कार्डचा मागोवा ठेवतात. त्यांच्या वेबसाईटवर जाऊन तुमचा पॅन नंबर आणि मोबाईल नंबर टाका आणि फ्री क्रेडिट रिपोर्ट विचारा. या रिपोर्टमध्ये तुमच्या नावावर कोणते लोन किंवा क्रेडिट कार्ड चालू आहे का ? याची सर्व माहिती मिळेल.

क्रेडिट रिपोर्टमध्ये बनावट कर्ज असेल तर घाबरून जाण्याची गरज नाही. सर्वप्रथम ज्याच्या नावावर कर्ज दिसत आहे, त्याच्याशी संपर्क साधावा. तसेच ज्या क्रेडिट ब्युरोच्या अहवालात ही त्रुटी दिसून आली आहे, त्यालाही सांगा. तुम्हाला तुमच्या ओळखीचा पुरावा, कर्जाशी संबंधित तपशील आणि स्वाक्षरी केलेले प्रतिज्ञापत्र द्यावे लागेल. यानंतर आपल्या जवळच्या पोलीस ठाण्याच्या सायबर क्राईम सेलमध्ये जाऊन तक्रार नोंदवा. पॅन कार्डच्या गैरवापराचे पुरावे सादर करा आणि पोलिसांकडून FRI दाखल करा. या स्टेप्समुळे तुमचा क्रेडिट स्कोअर सुरक्षित राहण्यास आणि फसवणूक करणाऱ्याला पकडण्यात मदत होईल.

आपण कधीही अर्ज न केलेले कर्ज किंवा क्रेडिट कार्ड दिसले तर ते धोक्याचे लक्षण आहे. चुकीचे खाते क्रमांक, अनोळखी बँक किंवा सावकाराची नावे किंवा आपण कधीही मंजूर न केलेली क्रेडिट चौकशी हे सर्व संकेत आहेत जे तुमच्या पॅन कार्डमध्ये काहीतरी गडबड झाल्याची ओरड करतात. अशा वेळी उशीर करू नका, ताबडतोब कारवाई करा, अन्यथा तुमचा क्रेडिट स्कोअर आणि आर्थिक आरोग्य या दोन्हींचे मोठे नुकसान होऊ शकते.

पॅन कार्डच्या सुरक्षिततेसाठी काही सोप्या टिप्सचा अवलंब करून तुम्ही पुढील फसवणुकीपासूनही वाचू शकता. सर्वात महत्वाचे म्हणजे आपला पॅन कार्ड क्रमांक अनोळखी वेबसाइट, अ‍ॅप किंवा व्हॉट्सअ‍ॅप मेसेजवर कधीही शेअर करू नका. ते कोणालाही जाहीर किंवा विनाकारण देऊ नका. जर तुमचे पॅन कार्ड हरवले तर ताबडतोब रिप्रिंटसाठी अर्ज करा आणि पुढील काही महिने तुमच्या क्रेडिट रिपोर्टवर लक्ष ठेवा. बँक खात्यांसाठी मजबूत पासवर्ड वापरा आणि कर्ज किंवा क्रेडिट कार्ड SMS किंवा ईमेल अलर्ट चालू ठेवा. फोटोकॉपी देत असाल तर त्यावर सही करा आणि देण्यामागचं कारण लिहा, जेणेकरून कोणीही त्याचा गैरवापर करू शकणार नाही.