5 लाख रुपयांपर्यंतचे पर्सनल लोन मिळवणे आता कठीण काम नाही. ना बँकेची रांग, ना जास्त कागदपत्रे. अट फक्त एवढीच आहे की,   तुमचा बँकिंग इतिहास म्हणजेच क्रेडिट स्कोअर खराब नसावा.  पॅन कार्ड, जे आतापर्यंत केवळ तुमची ओळख आणि इन्कम टॅक्स रिटर्नसाठी वापरले जात होते. त्याच पॅन कार्डच्या आधारे आता बँका आणि NBFC तुमची क्रेडिट हिस्ट्री तपासून कर्ज मंजूर करत आहेत. आता फक्त पॅन कार्डच्या माध्यमातून 5 लाख रुपयांपर्यंतचे पर्सनल लोन घेता येते. 

जर तुम्हाला 5 लाख रुपयांपर्यंतचे कर्ज घ्यायचे असेल, तर तुमचा क्रेडिट स्कोअर किमान 700 असणे आवश्यक आहे. स्कोअर जितका जास्त असेल, तितके कर्ज मिळण्याची शक्यता जास्त असते.  व्याजदरही कमी असू शकतो. त्यामुळे अर्ज करण्यापूर्वी तुमचा स्कोअर नक्की तपासा आणि तो 700 च्या वर ठेवण्याचा प्रयत्न करा. कर्जासाठी तुम्हाला तुमच्या निवडलेल्या कर्जदात्याच्या वेबसाइट किंवा ॲपवर जाऊन 5 लाखांची रक्कम आणि 12 ते 60 महिन्यांचा कालावधी (टेन्युअर) निवडावा लागेल.

सर्व तपशील भरल्यानंतर आणि कागदपत्रे अपलोड केल्यानंतर, कर्जदाता तुमची माहिती पडताळेल. क्रेडिट तपासणी करेल. जर तुम्ही पात्र असाल तर कर्ज लवकर मंजूर होईल. काही प्रकरणांमध्ये हे अवघ्या काही तासांत होते. 24 ते 48 तासांत पैसे थेट तुमच्या बँक खात्यात येऊ शकतात. फक्त लक्षात ठेवा की ईएमआय (EMI) वेळेवर भरा, अन्यथा विलंब शुल्क आणि क्रेडिट स्कोअरवर परिणाम होऊ शकतो.