श्रावण यंदा 25 जुलैपासून सुरू होत असून 23 ऑगस्ट रोजी श्रावण महिना समाप्त होत आहे. श्रावणातील सोमवारचे व्रत करण्याचे मोठे महत्त्व आहे. यंदा चार श्रावणी सोमवार आहेत. हिंदू पंचांगानुसार श्रावण महिना हा धार्मिकदृष्ट्या महत्त्वाचा मानला जातो. श्रावण महिना म्हणजे भक्ती, श्रद्धा आणि उपासनेचा काळ. श्रावणामध्ये भगवान शंकराची पूजा केली जाते.

विशेषतः श्रावणी सोमवारचे व्रत करणे महत्त्वपूर्ण आणि फलदायी मानले जाते. यंदा श्रावण महिना कोणत्या तारखेपासून सुरू होतोय आणि कधी समाप्त होणार आहे, एकूण किती श्रावणी सोमवार असणार आहेत,त्यासोबतच कोणत्या सोमवारी कोणती शिवमूठ वहावी ते आपण जाणून घेऊया.   श्रावण महिन्यातील प्रत्येक सोमवारी शिवलिंगावर एक मूठ धान्य अर्पण करणे या धार्मिक प्रक्रियेस शिवामूठ असे म्हणतात. पंचांगानुसार प्रत्येक सोमवारी वेगवेगळे आणि एक मूठ धान्य भगवान शंकराच्या पिंडीवर अपर्ण केले जाते. 

पहिला श्रावणी सोमवार  : 28 जुलै

शिवामूठ : तांदूळ 

दुसरा श्रावणी सोमवार : 4 ऑगस्ट

शिवामूठ : तीळ

तिसरा श्रावणी सोमवार : 11 ऑगस्ट

शिवामूठ : मूग 

चौथा श्रावणी सोमवार : 18 ऑगस्ट

शिवामूठ : जव 

श्रावण महिन्यातील प्रत्येक सोमवारी भगवान शंकरासाठी शिवामूठ वाहण्याची परंपरा आहे. परंपरेनुसार शंकराच्या पिंडीवर मूठभर धान्य अर्पण केल्यास घरामध्ये सुख, शांतता, समृद्धी नांदते आणि जीवनातील रोगराई-अडचणी दूर होतात;अशी धार्मिक मान्यता आहे.