अमेरिकेचे राष्ट्राध्यक्ष डोनाल्ड ट्रम्प यांची भारत आणि भारतीय लोकांबाबतची आक्रमक भूमिका कोणापासून लपून राहिलेली नाही. ट्रम्प यांनी वेळोवेळी भारतीयांना डावलण्याचा प्रयत्न केला आहे. असे असले तरी भारतीयांची मेहनत देखील काही लपून नाही. 

टेस्लाचे CEO एलन मस्क यांनी अमेरिकेतील भारतीय टॅलेंटच महत्व, योगदान मान्य केलय. कुशल भारतीयांमुळे अमेरिकेचा फायदा झाल्याच त्यांनी सांगितलं. एक इंटरव्यूमध्ये एलन मस्क इमिग्रेशन पॉलिसी आणि एंटरप्रेन्योरशिप बद्दल बोलले.

“अमेरिकेत येणाऱ्या प्रतिभावान भारतीयांमुळे अमेरिकेचा खूप फायदा झाला असं मला वाटतं. मला असं म्हणायचं आहे की, अमेरिका भारताच्या प्रतिभेचा सर्वात मोठा लाभार्थी आहे. भारतीय वंशाच्या अनेक व्यक्तींनी अमेरिकी अर्थव्यवस्थेत महत्वाच योगदान दिलं आहे. त्यामुळे विकास आणि सर्जनशीलतेला प्रोत्साहन मिळालं” असं मस्क म्हणाले. 

एलन मस्क म्हणाले की, ‘प्रतिभावान लोकांची नेहमीच कमतरता असते’. मस्क यांनी नव्या उद्योजकांना कठोर मेहनत आणि अपयशासाठी तयार राहण्याचा सल्ला दिला. ‘मी माझ्या कंपनीत जगातील सर्व प्रतिभावंतांना आणण्याचा प्रयत्न करतोय’ असं ते म्हणाले. “जर कोणी समाजात योगदान देत असेल तर ती आनंदाची गोष्ट आहे. जितकं तुम्ही देता, त्यापेक्षा कमावण्याचं लक्ष्य ठेवा. 

समाजासाठी एक शुद्धा योगदान देणारे बना. हे आनंदाचा शोध घेण्यासारखं आहे. तुम्हाला आर्थिक दृष्ट्‍या मौल्यवान काही बनवायचं असेल, तर त्यामागे पळू नका. तुम्ही उपयोगी उत्पादनं आणि सेवा बनवा हे चांगलं राहिलं. तुम्ही असं केलं, तर स्वाभाविकपणे पैसा तुमच्याकडे येईल” असं मस्क यांनी सांगितलं.