31 मार्च रोजी 2023-24 हे आर्थिक वर्ष संपणार आहे. नवीन आर्थिक वर्ष 1 एप्रिलपासून सुरू होणार आहे. अशातच येणारा 1 एप्रिल अनेक नवीन बदल घेऊन येणार आहे. या बदलांचा थेट परिणाम तुमच्या खिशावर होईल.  

येत्या 1 एप्रिलपासून एनपीएसच्या नियमांमध्ये बदल होणार आहेत आणि क्रेडिट कार्डच्या नियमांमध्येही बदल होणार आहेत. यातच जर तुम्ही फास्टॅग वापरत असाल तर तुम्हाला यासंबंधित काही महत्त्वाचं काम करावं लागणार आहे. तसं न केल्यास 1 एप्रिलपासून तुम्हाला अनेक समस्यांना सामोरे जावे लागू शकते. देशात 1 एप्रिलपासून कोणते बदल लागू होणार आहे जाणून घ्या. 

 

पेन्शन फंड नियामक आणि विकास प्राधिकरणाने राष्ट्रीय पेन्शन प्रणाली सुरक्षित करण्यासाठी आधार आधारित टू स्टेप ऑथेंटिकेशन सिस्टिम सुरू केली आहे. याची अंमलबजावणी 1 एप्रिलपासून होणार आहे. 

एसबीआयच्या काही क्रेडिट कार्ड्सवरील पेमेंटवर मिळणारे रिवॉर्ड पॉइंट्स 1 एप्रिल 2024 पासून मिळणे बंद होणार. यामध्ये AURUM, SBI Card Elite, SBI Card Elite Advantage, SBI Card Pulse आणि SimplyClick कार्डांचा समावेश आहे.

जर तुम्ही अजून तुमच्या फास्टॅगचे ई-केवायसी केले नसेल, तर अशातच तुम्ही 31 मार्चआधी त्याचे ई-केवायसी करून घ्यावे. जर तुम्ही हे केले नाही. तर तुम्हाला 1 एप्रिलपासून फास्टॅग वापरताना अनेक समस्यांना सामोरे जावे लागू शकते.

एलपीजी गॅस सिलिंडरच्या किमती प्रत्येक महिन्याच्या पहिल्या दिवशी बदलतात. अशातच 1 एप्रिलपासून एलपीजी गॅसच्या किमतीत बदल होऊ शकतो.