केंद्र सरकारने आठव्या वेतन आयोगाला मंजुरी दिल्यानंतर आजपासून देशात आठवा वेतन आयोग लागू होणार आहे. यामुळे केंद्र सरकारच्या कर्मचाऱ्यांच्या पगारामध्ये तसेच पेन्शनमध्ये मोठी वाढ होण्याची शक्यता आहे. केंद्र सरकारने दिलेल्या माहितीनुसार, आठवा वेतन आयोग केंद्र सरकारच्या सेवारत आणि निवृत्त कर्मचाऱ्यांचे पगार, भत्ते आणि पेन्शन सुधारित करणार आहे. या आयोगामुळे केंद्र सरकारच्या कर्मचाऱ्यांना पगार वाढीसह महागाई भत्ता (DA) देखील वाढून मिळणार आहे.
आठव्या वेतन आयोगात पगार कितीने वाढणार ?
आठव्या वेतन आयोगातील पगारवाढ ही फिटमेंट फॅक्टरवर अवलंबून असते. मिडिया रिपोर्टनुसार, जर केंद्रीय कर्मचाऱ्यांचा मूळ पगार १८००० रुपये असेल तर तो वाढून ५१,४८० होऊ शकतो. आठवा वेतन आयोगाअंतर्गत ५० लाख कर्मचारी आणि ६५ लाख पेन्शनधारकांना फायदा होणार आहे. सरकार दर १० वर्षांनी वेतन आयोग लागू होतो. याआधी २०१६ मध्ये ७वा वेतन आयोग लागू झाला होता.
८वा वेतन आयोगात कोणाचा पगार कितीने वाढणार?
नवीन वेतन आयोगात बेसिक सॅलरीत जास्त वाढ होण्याची शक्यता आहे.
लेव्हल १ कर्मचाऱ्यांचा पगार १८००० रुपयांवरुन ३८,७०० रुपये होईल.
लेव्हल २ मध्ये कर्मचाऱ्यांचा पगार २९,२०० रुपयांवरुन ६२,७८० रुपये होईल.
लेव्हल १० मध्ये कर्मचाऱ्यांचा पगार ५६,१०० रुपयांवरुन १,२०,६१५ रुपये होण्याची शक्यता आहे.
लेव्हल १५ मध्ये कर्मचाऱ्यांचा पगार १,८१,२०० वरुन ३,९१,७३० रुपये होण्याची शक्यता आहे.
लेव्हल १८ पदांसाठी कर्मचाऱ्यांचा पगार २,५०,००० रुपयांवरुन ५,३७,५०० रुपये आहे.
