मालवण नगरपरिषद निवडणुकीत एक मोठा ट्विस्ट पाहायला मिळालाय. आमदार निलेश राणेंवर मालवणमध्ये गुन्हा दाखल करण्यात आला आहे. बेकायदेशीरपणे घरात घुसल्याची तक्रार विजय केनवडेकर यांनी मालवण पोलीस स्टेशनमध्ये दिली आहे, त्यानुसार गुन्हा दाखल करण्यात आला आहे.
नेमके प्रकरण काय ?
आमदार निलेश राणे यांनी गुरूवारी भाजपच्या मालवणमधील एका पदाधिकाऱ्याच्या घरी धाड टाकली. त्या धाडीत त्यांना मोठ्या रक्कमेची म्हणजेच २५ लाखांची पैशांची बँग आढळून आली. त्यानंतर एकच खळबळ उडाली आहे. विजय केनवडेकर हे भाजपचे मालवणमधील पदाधिकारी आहेत. त्यांच्या घरी निलेश राणे आपल्या कार्यकर्त्यांसह धडकले. अचानक निलेश राणे आल्याने तिथे असलेल्या विजय केनवडेकर आणि बंड्या सावंत या भाजप कार्यकर्त्यांची धावपळ झाली.
निलेश राणे यांनी मी कुणाच्या बेडरूममध्ये जाणार नाही. जे काय आत आहे ते बाहेर आणा असं सांगितलं. त्यानंतर राणेंना कार्यकर्ते बेडरूममध्ये घेवून गेले. त्यावेळी तिथे पैशांनी भरलेली बॅग आढळली. पाचशे रूपयांची बंडल त्यात दिसली. मोठी रक्कम भाजप कार्यकर्त्याच्या घरी असल्याचं व्हिडीओत दिसून येत आहे. आणि आता याच प्रकरणी आता आमदार निलेश राणेंवर मालवणमध्ये गुन्हा दाखल करण्यात आला आहे.
ज्यांच्या घरात ही रक्कम आढळली ते विजय केनवडेकर हे भाजपचे पदाधिकारी आहे. त्यांचा भाजप प्रदेशाध्यक्ष रविंद्र चव्हाण यांच्या सोबत फोटो आहे. तो ही निलेश राणे यांनी यावेळी माध्यमांना दाखवला. त्यावर निलेश राणे यांनी त्याच वेळी स्थानिक पोलीस आणि निवडणूक अधिकारी यांनाही याची कल्पना दिली. शिवाय हे पैसे जप्त करून कारवाई करण्याची मागणी केली. शिवाय हे इतकेच पैसे नाहीत कर अजून पैसे घरात असल्याचा दावा निलेश राणे यांनी यावेळी केला होता.
