रत्नागिरी : राजापूरचे आमदार किरण सामंत यांच्या वाढदिवसाच्या कार्यक्रम सोहळ्याला निलेश राणे यांनी खास उपस्थिती लावत सामंत यांच्या कामाचं कौतुक केले.
आमदार किरण सामंत याच्या वाढदिवसाच्या निमित्ताने राजापूर येथील जिल्हा परिषद गट सागवे हा संपूर्णच्या संपूर्ण गट आमदार किरण सामंत याच्या नेतृत्वाखाली उबाठामधून शिंदे शिवसेनेत आला. त्यामुळे शिवसेनेचे कोकणातील आगामी राजकारण सामंत व राणे हे मिळून करणार असल्याचे स्पष्ट संकेत देत आमच्यामध्ये कोणतेही वाद नाहीत असेच स्पष्ट संकेत या कार्यक्रमातून आमदार निलेश राणे यांनी दिले आहेत.
कोकणातील शिवसेनेच्या राजकारणात मुख्यमंत्री एकनाथ शिंदे यांचे तीन शिलेदार संघटनेच्या बांधणीत लक्ष घालणार आहेत. यामध्ये शिवसेनेचे युवा नेते गृहराज्यमंत्री योगेश कदम आमदार निलेश राणे किरण सामंत या नेत्यांची युवा टीम सक्रिय झाल्याचं पाहायला मिळत आहे.
यावेळी लोकांच्या लोकप्रतिनिधीकडून ज्या मागण्या आहेत ना त्या सगळ्या सभागृहातून आणि सभागृहाच्या बाहेरून सुद्धा मागणी पूर्ण का झाली नाही याचा जाब विचारण्यासाठी तुम्ही आमच्या सारख्या लोकांना सभागृहात पाठवला ना साहेब सामंत साहेब हे सगळं तुमच्याकडून होणार नाही. तुम्ही माझ्याकडे पाठवायचे बाकीचे उद्योगधंदे तुमच्याकडून होणार नाहीत ते माझ्याकडे आहेत. तुमचं तुम्हाला काय एक फोन कॉल आणि प्रॉब्लेम सॉल ना, आमच एक फाईट वातावरण टाईट आम्हाला त्याच्यासाठीच ऑफर असल्याचे ही आमदार निलेश राणे यांनी सांगितले.
यावेळी त्यांनी आमदार किरण सामंत यांची कन्या अपूर्वा सामंत याचे तोंड भरून कौतुक केले. माझ्या वडिलांच्या पाठीमागे मी त्याच्यासाठी काम केले नाही केले तरी लोकांनी मला किंगमेकर कधीच म्हटले नाही.
आमदार किरण सामंत याच्या विजयात अपूर्वा सामंत याचे खूप मोठे योगदान असून लोक तिलाच किंगमेकर म्हणत असल्याचे ही आमदार निलेश राणे यांनी व्यासपीठारून सांगितले.
यावेळी व्यासपीठावर उपस्थित असलेल्या किरण सामंत यांच्या सुकन्या अपूर्वा सामंत यांच्या कामाची दखल घेत निलेश राणे यांनी खास कौतुक केले. या वयात अपूर्वाला जे स्टेज डेरींग आहे. त्या वयात आम्हाला ही नव्हते. आम्ही कुठे तरी पाठी मागे जाऊन उभे राहत होतो. या पक्ष प्रवेशाच्या वेळी बोलताना आमदार निलेश राणे यांनी सांगितले की ,किरण सामंत यांना निवडून आणण्यामागे अपूर्वा सामंत यांचे फार मोठे योगदान असून अपूर्ण सामंत या किंगमेकर झालेल्या आहेत.
आमदार निलेश राणे यांनी सांगितले की, त्यांनी तुम्हाला निवडून आणण्यामध्ये जे काही केले आहे ना काम ते तुम्हाला कोणी डायरेक्ट सांगणार नाही. आम्ही आजूबाजूला जे काही ऐकतो ऐकून होतो ना अपूर्वा मनापासून तुझं कौतुक आहे. तू खूप मोठी हो आणि होणारच आहेस आणि तुला कोणी थांबवू शकत नाही. एवढं काम या वयामध्ये, तुझ्या वयाचा आम्ही होतो ना तेव्हा स्टेजवर जायचं नाही आम्ही कुठेतरी मागे उभे असायचो काही कळायचं नाही बाळासाहेब कधी दौरे काढायचे शंभर दोनशे गाड्या निघायच्या आम्ही कुठेतरी 120 व्या गाड्यामध्ये असायचो पण तू या वयामध्ये हे जे सगळं काही कॅप्चर केलस जे स्वतःला सिद्ध केले आहेस त्याचे जेवढं कौतुक करावं तेवढं कमी आहे.
सामंत साहेब तुम्हाला सांगतो मला माहिती नाही माझ्या वडिलांना मागे काय म्हणतात निलेशने तुमच्यासाठी असं केलं निलेशने तुमच्यासाठी तसं केलं पण कधी मला कोणी माझ्या वडिलांचा किंग मेकर कोणी सांगितला नाही. तुमची मुलगी तुमच्यासाठी किंग मेकर आहे. तिने तुमच्यासाठी एवढे मोठे चित्र उभं केलं खरोखरच तिचं मनापासून कौतुक असल्याचे ही आमदार निलेश राणे यांनी सांगितले.
दरम्यान यावेळी आमदार निलेश राणे यांचे जोरदार भाषण आणि भाषणातील फटकेबाजी व सावंत यांच्या कौतुकाबरोबरच अपूर्वा सामंत यांचे कौतुक या भाषणाने कार्यकर्त्यांमध्ये उत्साहाचे वातावरण झाले.
