आता सामान्य दिसणाऱ्या काही लक्षणांकडे दुर्लक्ष करू नका कारण केरळमधून एक चिंताजनक बातमी समोर आली आहे, जिथे प्राथमिक अमेबिक मेनिन्गोएन्सेफलायटीस (पीएएम) च्या वाढत्या प्रकरणांमुळे आरोग्य अधिकाऱ्यांमध्ये चिंता निर्माण झाली आहे. हा एक मेंदूचा संसर्ग असून याचा मृत्यूदर जास्त आहे.
हा संसर्ग नेग्लेरिया फाउलेरीमुळे होतो, ज्याला सामान्यतः "मेंदू खाणारा अमीबा" म्हणून ओळखले जाते. या वर्षी, केरळमध्ये पीएएमचे ६१ रुग्ण नोंदवले गेले असून १९ जणांचा मृत्यू झाला आहे. अनेक जण गेल्या काही आठवड्यात दगावले आहेत.
हा अमिबा सामान्यतः पाण्यातून शरीरात प्रवेश करतो. विशेषतः पोहण्यासाठी गेलेल्या व्यक्तींच्या नाकावाटे तो शरीरात शिरतो आणि मेंदूपर्यंत पोहोचतो. यामुळे रुग्णांची प्रकृती झपाट्याने बिघडते आणि मृत्यूचा धोका वाढतो. डॉक्टरांनी नागरिकांना असुरक्षित व अस्वच्छ पाण्यात पोहणे टाळावे, शंका आल्यास त्वरित वैद्यकीय सल्ला घ्यावा, असे आवाहन केले आहे.
पीएएम संसर्गाची लक्षणे कोणती?
पीएएमचा मृत्यूदर जास्त आहे कारण त्यावर उपचार करणे कठीण आहे. त्याची लक्षणे बॅक्टेरियाच्या मेंदुज्वरासारखीच आहेत - जसे डोकेदुखी, ताप, मळमळ आणि उलट्या. जेव्हा मेंदुज्वराची इतर सामान्य लक्षणे समोर येत नाहीत तेव्हा पीएएमवर उपचार केले जातात. मात्र तोपर्यंत रुग्णाला सेरेब्रल एडेमापासून वाचवण्यासाठी खूप उशीर झालेला असतो, जो वेगाने विकसित होऊन मृत्यूचे कारण बनतो, असे रिपोर्टमध्ये म्हटले आहे.
उष्ण महिन्यांत आणि सामान्यतः स्थिर, गोड्या पाण्यात पोहणे, डायव्हिंग करणे आणि आंघोळ करणाऱ्या लोकांमध्ये वेगाने पसरतो. या रोगाची लक्षणे एक ते नऊ दिवसांच्या दरम्यान दिसू शकतात आणि त्यांची तीव्र सुरुवात काही तासांपासून ते १-२ दिवसांपर्यंत असू शकते. न्यूरो-ओलफॅक्टरी मार्ग एन. फाउलेरीला मेंदूपर्यंत जलद प्रवेश प्रदान करतो आणि परिणामी रोगप्रतिकारक शक्ती कमकुमत करतो.
