राजस्थानमधील बिकानेर येथील महाजन फील्ड फायरिंग रेंजमध्ये तोफांच्या सरावादरम्यान मोठी दुर्घटना घडली आहे. सरावादरम्यान बॉम्बस्फोट झाल्याची माहिती समोर आली आहे. या स्फोटात २ जवान शहीद झाले आहेत. तर एक जवान गंभीर जखमी असल्याचे सांगण्यात येत आहे.
याबाबत मिळालेल्या माहितीनुसार, महाजन फील्ड फायरिंग रेंजच्या नॉर्थ कॅम्पमधील चार्ली सेंटरमध्ये हा अपघात झाला. या अपघातात गंभीर जखमी झालेल्या जवानाला सुरतगड येथील लष्करी रुग्णालयात दाखल करण्यात आले आहे.
महाजन फील्ड फायरिंग रेंजच्या उत्तर कॅम्पमध्ये युद्ध सराव सुरू होता. यावेळी हा बॉम्बस्फोट झाला. आणि घटनास्थळी सराव करणाऱ्या दोन जवानांचा जागीच मृत्यू झाला आहे. परिस्थितीचे गांभीर्य पाहून लष्कर आणि पोलिस अधिकाऱ्यांनी कारवाई करत परिसर सील केला.
