File: /home/dainikbh/public_html/index.php
Line: 315
Function: require_once

Dainik Bhramar - Marathi News Paper | दैनिक भ्रमर - मराठी वृत्तपत्र

सामाजिक
८ मे २०२५

आजचा गुरुवार खास ! सर्व १२ राशींचे आजचे राशीभविष्य वाचा

Dipali Ghadwaje

मेष आर्थिक राशिभविष्य : ऑफिसमध्ये नवीन अधिकार मिळणार

आजचा दिवस मेष राशीच्या लोकांसाठी चांगला असून ऑफिसमध्ये काही नवीन अधिकार दिले जाऊ शकतात. क्रिएटीव्ह कामात तुमची आवड अधिक वाढणार आहे. मुलांसाठी विवाहाचे प्रस्ताव येतील आणि लवकरच घरात मंगलकार्याचे सुर वाजतील. आर्थिक स्थिती सुधारते आहे पण बचत करा. धनसंपत्तीची तजवीज करुन ठेवणे केव्हाही चांगले आहे.

वृषभ आर्थिक राशिभविष्य : कामे पटापट मार्गी लागणार

वृषभसाठी दिवस उत्तम असून घरात वातावरण प्रसन्न असेल, तुमच्या कामात प्रत्येकाची साथ असेल. कामे पटापट मार्गी लागल्यामुळे मनावरील भार हलका होईल. घरासाठी भरपूर खरेदी करणार आहात. घरातील ज्येष्ठ नागरिकांसोबत वाद घालू नका. त्यांचे मत ऐकून घ्या, ते तुमच्या फायद्याचे आहे.

मिथुन आर्थिक राशिभविष्य : कर्ज कमी होणार, मानसन्मान वाढणार

मिथुन राशीसाठी मानसन्मानात आणि सामाजिक प्रतिष्ठेत वाढ आहे. तुमच्या बोलण्याने सगळेजण प्रभावित होतील. व्यापारातील भागीदार पूर्ण सहकार्य करतील, त्यामुळे डिल फायनल होण्याची शक्यता आहे. कर्जाचा भार कमी होईल. तुम्ही काम करताना सतर्क राहा कारण चोरी किंवा एखादी दुर्घटना घडू शकते.

कर्क आर्थिक राशिभविष्य : रखडलेले पेमेंट मिळणार

खूप दिवसांपासून तुमचे पैसे काही ठिकाण अडकलेले आहेत ते आता परत मिळतील.व्यवसायातील नवीन संबंधांमध्ये स्थिरता येईल. राजकीय आणि सामाजिक क्षेत्रातही चांगले यश मिळू शकते, तुम्ही कामात फोकस ठेवा. संध्याकाळी कुटुंबासोबत मंगलकार्यात सहभागी होणार आहात. थोडा ताणतणाव असणार आहे त्यामुळे तुम्ही निराश होवू शकता पण काळजी करु नका.

सिंह आर्थिक राशिभविष्य : टीमवर्कमुळे काम यशस्वी होणार

तुम्ही जवळच्या आणि इतर लोकांच्या भावना ओळखून त्यानुसार वागणार आहात. आज समोरच्या व्यक्तीचे म्हणणे शांतपणे ऐकून घेणार आहात. कधीकधी दुसऱ्यांचे ऐकण्यात काही हरकत नाही. दुकान किंवा ऑफिसमध्येही टीमवर्कद्वारे कोणत्याही समस्येवर तोडगा काढण्यात यशस्वी व्हाल.

कन्या आर्थिक राशिभविष्य : प्रोजेक्ट वेळेत पूर्ण होणार

आज मित्रमंडळींसोबत विनाकारण वाद आणि खर्च वाढवणारा आहे. त्यामुळे आपल्या आजूबाजूला आनंदी वातावरण निर्माण करण्याचा प्रयत्न करा. ऑफिसमध्येही अचानक होणारे बदल तुम्हाला आश्चर्यचकित करू शकतात. महिला सहकारी आणि वरिष्ठ प्रोजेक्टमध्ये मदत करतील त्यामुळे टार्गेट वेळेत पूर्ण होणार आहे.

तूळ आर्थिक राशिभविष्य : अनपेक्षित बदल फायदेशीर ठरतील

आजचा दिवस तुमच्यासाठी मोठ्या लोकांसोबत भेटीगाठी करणे यात जाणार आहे. अचानक आणि अनपेक्षित बदलांमध्ये तुम्हाला फायदा होऊ शकतो. नवीन कामात कायदेशीर आणि तांत्रिक बाबींचा गंभीरपणे विचार केल्यानंतरच कोणताही निर्णय घ्या. घरात बरीच दिवसांपासून थांबलेली कामे किंवा तुम्ही पुढे ढकलत आहात अशी कामे पूर्ण करण्याची संधीही मिळेल.

वृश्चिक आर्थिक राशिभविष्य : व्यवसायात तज्ज्ञांचा सल्ला घ्या

आजचा दिवस तुमच्यासाठी आनंदाने भरलेला असेल. व्यवसायाच्या संदर्भात कोणाचा तरी सल्ला घेण्याची गरज आहे, तसे केले तर भविष्यात मोठा फायदा होईल. मित्रांसोबत मस्त वेळ घालवणार आहात. एकूणच ऑफिस असो वा घर तुमच्या सर्व जबाबदाऱ्या यशस्वीपणे पार पाडणार आहात.

धनु आर्थिक राशिभविष्य : जुनी देणी चुकती करणार

आजचा दिवस संमिश्र फल देणार आहे. तुमची जी काही जुनी देणी आहेत त्यातून मुक्त व्हाल. मनावरील भार कमी झाल्यामुळे ताण तणाव कमी होईल. ऑफिसमध्ये तुमच्या सुचनांचे स्वागत होणार आहे. काही आवश्यक घरगुती वस्तूंची खरेदी करणार आहात. तुमच्या खर्चाकडे विशेष लक्ष द्या. संध्याकाळचा वेळ कुटुंबासोबत घालवा, त्यामुळे मन फ्रेश होईल.

मकर आर्थिक राशिभविष्य : उधार देवू नका, फसवणुकिची शक्यता

मकर राशीसाठी प्रवासाचा योग असून तुमचा त्यातून फायदा आहे. मंगलकार्यात कुटुंबासोबत सहभागी व्हाल आणि प्रियजनांच्या भेटीमुळे मन आनंदी होईल. कोणी तुमच्याकडे कोणी उधार मागत असेल तर अजिबात देऊ नका. तुमच्याकडे भरपूर कामे येत आहेत त्यात फोकस करा.

कुंभ आर्थिक राशिभविष्य : कामात फोकस करा, कामे वेळेत पूर्ण होतील

कुंभ राशीला राजकीय क्षेत्रात यश आहे, सक्रिय राजकारणात भाग घेण्याचे योग प्रबळ आहेत. प्रतिस्पर्धी त्रास देण्याची शक्यता आहे, तुमच्या कामात फोकस ठेवा आणि हुशारीने वागा. समाजात तुम्ही चांगल्या कार्यासाठी खर्च करणार आहात त्यामुळे प्रतिष्ठा वाढेल. आर्थिक स्थिती उत्तम असून तुम्ही गुंतवणूक करा, ती भविष्यात लाभ देईल.

मीन आर्थिक राशिभविष्य : धनलाभाचा योग, थकलेले पेमेंट मिळेल

मीन राशीसाठी दिवस अतिशय उत्तम असून धनलाभाचा योग आहे. बँक बॅलन्स वाढल्यामुळे तुम्ही खूप आनंदी असणार आहात. तुमची एखादी मौल्यवान वस्तू हरवली असेल तर ती सापडण्याची शक्यता आहे. तसेच खूप दिवसांपासून तुमचे पेमेंट बाकी होते ते अचानक मिळेल. तुमच्या अफाट विचारशक्तीच्या बळावर कोणत्याही कठीण समस्येचे समाधान करण्यात तुम्हाला यश मिळेल.