पाकिस्तानच्यावतीने या करारावर इंडस्ट्री आणि प्रोडक्शन सेक्रेटरी सैफ अंजूम यांनी तर रशियाच्यावतीने इंडस्ट्रियल इंजिनिअरींगचे LLC जनरल डायरेक्टर वादिम वेलिच्को यांनी सह्या केल्या.  यावेळी दोन्ही देशांचे काही वरिष्ठ अधिकारी देखील उपस्थित होते.

पाकिस्तानच्या पंतप्रधानांचे विशेष सचिव हारुन अख्तर खान यांनी सांगितले की रशियाच्या सहकार्याने पाकिस्तान स्टील मिल पुन्हा सुरू करणे एक मजबूत औद्योगिक भविष्याच्या प्रती आमची प्रतिबद्धता प्रदर्शित करतो. रशिया स्थित पाकिस्तानी दुतावासाने दिलेल्या माहितीनुसार कराची येथील पाकिस्तान स्टील मिल सन 1973 मध्ये सोविएत संघाच्या मदतीने स्थापन करण्यात आली होती.

दरम्यान, युक्रेन युद्धामुळे अमेरिकेसह युरोपीय देशांनी रशियावर अनेक प्रकारचे निर्बंध लादले होते. हे निर्बंध अजूनही कायम आहेत. त्यामुळे रशियाच्या अडचणी वाढल्या होत्या. परंतु, याच काळात भारतने तेलासह अन्य वस्तू खरेदी करून रशियाला मोठा आधार दिला होता.

रशियाच्या अर्थव्यवस्थेला आधार मिळाला. अमेरिकेचा विरोध पत्करून भारत अजूनही रशियाकडून तेल खरेदी करत आहे. भारत आणि रशियाची मैत्री जगात सर्वश्रुत आहे. अशात आता रशियाने पाकिस्तानशी करार केला आहे. या घडामोडींमुळे भारतावर नेमका काय परिणाम होणार याची उत्तरे लवकरच मिळतील.