शेअर बाजारातील चढ-उतार आणि आंतरराष्ट्रीय मागणीतील वाढ यामुळे पुन्हा एकदा सोन्याच्या किमतींमध्ये झपाट्याने वाढ झाली आहे.
आज सोनं तब्बल 540 रुपयांनी महागलं, तर चांदीनेही तेजी गाठत 595 रुपयांची उसळी घेतली आहे. परिणामी, गुंतवणूकदार आणि सोने खरेदी करणाऱ्यांमध्ये पुन्हा एकदा उत्साह निर्माण झाला आहे.
घराबाहेरील बाजारात चांदीने सर्वाधिक उसळी घेत 2400 रुपयांनी वाढत 1,09,325 रुपये प्रति किलो गाठले. दुसरीकडे, सोनं प्रति 10 ग्रॅम 1,09,590 रुपये वर पोहोचलं. आंतरराष्ट्रीय बाजारातही या दरांमध्ये वाढ दिसून आली. तिथे सोनं सुमारे 3,400 डॉलर प्रति औंसवर स्थिरावलं आहे, तर चांदीने तब्बल 14 वर्षांनंतर 37 डॉलर चा आकडा गाठण्याचा टप्पा जवळ केला आहे.
आजचे 18, 22 आणि 24 कॅरेट सोन्याचे दर
आज 24 कॅरेट सोनं 540 रुपयांनी महागून 1,00,910 रुपये प्रति तोळा झालं आहे.
22 कॅरेट सोनं 500 रुपयांची वाढ नोंदवून 92,500 रुपये प्रति तोळा झालं आहे.
तर 18 कॅरेट सोन्याचा दर 410 रुपयांनी वाढून 75,690 रुपये झाला आहे.
दर तपशील (प्रति 10 ग्रॅम)
24 कॅरेट: ₹1,00,910
22 कॅरेट: ₹92,500
18 कॅरेट: ₹75,690
प्रमाणानुसार इतर दर
1 ग्रॅम (24 कॅरेट): ₹10,091
1 ग्रॅम (22 कॅरेट): ₹9,250
1 ग्रॅम (18 कॅरेट): ₹7,569
