महाराष्ट्राला हादरवाणी घटना अहिल्यानगरच्या केडगाव येथून समोर आली आहे. जुन्या भांडणाच्या कारणावरून महिलेसोबत धक्कादायक कृत्य करण्यात आले आहे. जुन्या भांडणाच्या कारणावरुन एका जणाने महिलेवर अत्याचार केला असून त्यानंतर तीन जणांनी महिलेला मारहाण केली. मारहाणीत महिला गंभीर जखमी असून आरोपी हे पीडित महिलेचे नातेवाईक आहेत. सोमवारी रात्री 11 वाजेच्या सुमारास ही धक्कादायक घटना घडली तर याबाबत आज सकाळी कोतवाली पोलिसात गुन्हा दाखल झाला आहे. याप्रकरणी पोलिसांनी डाळखुष काळे या आरोपीला ताब्यात घेतलं असून इतर तीन आरोपी फरार आहेत.

अहिल्यानगरच्या कोतवाली पोलीस स्टेशन हद्दीत केडगाव भागात एका महिलेवर सामूहिक अत्याचाराची घटना समोर आली आहे. जुन्या भांडणाच्या कारणावरून एका जणाने महिलेवर अत्याचार केला तर तीन जणांनी महिलेला मारहाण केली आहे. धक्कादायक म्हणजे आरोपी हे पीडित महिलेचेच नातेवाईक आहेत. मारहाणीत महिला गंभीर जखमी झाली असून पीडितेला उपचारासाठी जिल्हा रुग्णालयात दाखल करण्यात आला आहे. डाळखुष काळे, अक्षय काळे, विनेश काळे, मोनेश टाटा चव्हाण या चार जणांवर कोतवाली पोलीस ठाण्यात अत्याचाराचा गुन्हा दाखल करण्यात आला असून पोलिसांनी डाळखुष काळे या आरोपीला ताब्यात घेतले आहे, तर इतर तीन जण फरार आहेत. पोलीस त्यांचा शोध घेत आहेत.