याबाबत  मिळालेल्या माहितीनुसार दोन गटांमध्ये किरकोळ कारणातून तणाव  निर्माण झाला होता. त्यानंतर त्याचं वादात रूपांतर निर्माण झालं. हा वाद दोन स्थानिक गटांमध्ये होतो. सुरूवातीला शा‍ब्दिक असणाऱ्या वादाचं नंतर एका धक्कादायक घटनेत रूपांतर झालं.

या दोन्ही गटांनी शस्त्र हातात घेतल्याचं समोर आलं. तणाव शिगेला पोहोचल्यानंतर काही अज्ञातांनी गोळ्या झाडल्याचं समोर आलं. मध्यरात्री हा गोळीबार झाल्याचं समजतंय. या गोळीबारामुळे संपूर्ण परिसर हादरून गेला होता. 

भयभीत नागरिक घराबाहेर धावत आले. घटनेची माहिती मिळतात तोफखाना पोलीस तात्काळ घटनास्थळी दाखल झाले. नेमका गोळीबार कोणी केला? कोणत्या गटाचा यात सहभाग होता? याचा पोलीस शोध घेत आहेत. तर घटनेतील संशयित आरोपी फरार आहेत.

या घटनेत मुलगा जखमी झाला असून त्याला नगरमधील खाजगी हॉस्पिटलमध्ये अॅडमिट करण्यात आलंय. यामुळे जामखेडमधील नागरिकांमध्ये सुद्धा दहशतीचं वातावरण आहे.

या संपूर्ण घटनेला जामखेडमधील नियमबाह्य सांस्कृतिक कला केंद्र जबाबदार असल्याच्या चर्चा सुरू आहे. अनेक वेळा या ठिकाणी गुंड प्रवृत्तीचे लोक येतात. या कला केंद्रांवर त्यांना आसरा दिला जातो. तिथे थोडाही कायद्याचा वचक शिल्लक राहिला नसल्याचं बोललं जातंय. तर गावठी कट्टे देखील सर्रासपणे वापरले जात असल्याची तक्रार स्थानिक करत आहेत.