या पावसाळ्यात चवीसोबतच आरोग्याचीही काळजी घ्या. योग्य भाज्यांची निवड करा आणि आजारपणांपासून दूर राहा. उकाड्यापासून सुटका देणारा हा ऋतू जितका हवाहवासा वाटतो, तितकाच तो आजारपणांचा धोकाही घेऊन येतो. या काळात वातावरणातील वाढलेल्या ओलाव्यामुळे जीवाणू आणि बुरशीची वाढ झपाट्याने होते, ज्यामुळे अन्नपदार्थ लवकर खराब होतात. विशेषतः, आपण रोज खात असलेल्या काही भाज्या या काळात आरोग्यासाठी अत्यंत धोकादायक ठरू शकतात आणि फूड पॉइझनिंगला निमंत्रण देऊ शकतात.

३. पालेभाज्या (पालक, मेथी, इत्यादी) - पालेभाज्यांमध्ये पोषक तत्वे भरपूर असली तरी, पावसाळ्यात त्या खाणे टाळावे. कारण त्यांच्या पानांमध्ये ओलावा आणि घाण सहज शोषली जाते. या काळात पानांवर लहान किडे आणि जंतू वाढण्याचा धोका जास्त असतो. तुम्ही या भाज्या कितीही स्वच्छ धुतल्या तरी, काही सूक्ष्मजंतू पानांवर शिल्लक राहू शकतात, जे थेट फूड पॉइझनिंगचे कारण बनतात.

४. मशरूम- मशरूम दमट वातावरणातच वाढतात, त्यामुळे पावसाळ्यात ते लवकर खराब होतात आणि त्यात बॅक्टेरिया वाढण्याचा धोका असतो. बाजारातून आणलेले मशरूम थोडे जरी काळे किंवा मऊ पडले असतील, तर ते खरेदी करणे टाळा. कारण थोडेसे खराब झालेले मशरूम खाल्ल्यानेही तीव्र फूड पॉइझनिंग होऊ शकते.

५. वांगी पावसाळ्यात वांग्याला लवकर कीड लागते, जी बाहेरून सहज दिसत नाही. याशिवाय, काही लोकांना वांग्याची ऍलर्जी असते, ज्यामुळे पावसाळ्यात पचनक्रिया मंदावलेली असताना पोटात गॅस, सूज किंवा बद्धकोष्ठतेसारख्या समस्या वाढू शकतात.