गुजरातच्या अहमदाबादमध्ये १२ जून २०२५ रोजी विमान दुर्घटना घडली, ज्या दुर्घटनेने संपूर्ण देशाला हादरवले. विमानात एकूण २४२ प्रवासी होते. त्यातल्या २४१ प्रवाशांचा मृत्यू झाला. फक्त एक व्यक्ती भारतीय वंशाचा ब्रिटिश नागरिक रमेश विश्वास कुमार बचावला.
अपघातानंतर एअर इंडियाने मृतकांच्या कुटुंबाला आर्थिक मदत दिली. एअर इंडियाने रमेशला 21,500 ब्रिटिश पाउंड (22 लाख रुपये) नुकसान भरपाईचा प्रस्ताव दिला आहे. रमेशने हा प्रस्ताव मान्य केला. पण हा व्यक्ती आजही त्या दुर्घटनेतून सावरलेला नाही.
अहमदाबादम विमान दुर्घटननेत फक्त एक व्यक्ती भारतीय वंशाचा ब्रिटिश नागरिक रमेश विश्वास कुमार बचावला. त्याचं वाचणं हे इतरांसाठी चमत्कार असला तरी तो रमेश कुमारसाठी मात्र मोठा मानसिक आघात ठरतो आहे. रमेश कुमार अजूनही या अपघाताच्या भीषण आठवणींमधून सावरु शकलेला नाही. त्याने त्याचं जिवंत असणं हा चमत्कार आणि शिक्षा दोन्ही असल्याचं सांगितलं. रमेश या मानसिक त्रासातून जातोय. रमेश सध्या पोस्ट-ट्रॉमेटिक स्ट्रेस डिसऑर्डरने (PTSD) पीडित आहे. अपघातानंतर रमेशला चालता-फिरताना अनेक अडचणी येत आहेत.
रमेश खासगी वृत्तवाहिनीशी बोलताना म्हणाला की, “त्या अपघातातून मी एकटा जिवंत वाचलो. त्यानंतर अजूनपर्यंत मला विश्वास बसत नाहीय, हा एक चमत्कार आहे” त्या अपघातात रमेशच्या भावाचा मृत्यू झाला. “माझ्यासाठी माझा भाऊ सर्वकाही होता. मागच्या अनेक वर्षांपासून तो माझ्यासोबत होता” असं रमेश म्हणाला.
“आता मी एकटा आहे. मी माझ्या खोलीत एकटा बसून असतो. मी माझी पत्नी आणि मुलाशी सुद्धा बोलत नाही. मला माझ्या घरात एकट्याला रहायला आवडतं. अपघातानंतर मी आणि माझं कुटुंब अजून यातून सावरलेलं नाही. मी अजून कोणाशी बोलत नाही. मी जास्त बोलू शकत नाही. मी संपूर्ण रात्र-रात्र विचार करत असतो. मी मानसिक दृष्टया त्रस्त आहे. संपूर्ण कुटुंबासाठी प्रत्येक दिवस वेदनादायी असतो” असं रमेश कुमार यांनी सांगितलं.
