मनोरंजन क्षेत्र रोज या ना त्या कारणावरून चर्चेत असतं. आज पुन्हा मनोरंजन क्षेत्रातून मोठी बातमी समोर आली आहे. बॉलिवूड एका प्रसिद्ध अभिनेत्रीला तब्ब्ल ७७ लाखांचा गंडा घालण्यात आला आहे. त्यामुळे मनोरंजन क्षेत्रात मोठी खळबळ उडाली आहे. बॉलिवूड अभिनेत्री आलिया भट्टची तब्बल 77 लाखांची फसवणूक झाली आहे. आलिया भट्टला गंडा हा तिच्याच पर्सनल असिस्टंटने घातला आहे. तिच्या पर्सनल असिस्टंटला अटक करण्यात आली आहे. अटक करण्यात आलेली वेदिका प्रकाश शेट्टी ही काही दिवसांपूर्वी आलियाची पर्सनल असिस्टंट म्हणून काम पाहत होती. तिनं आलियाच्या प्रॉडक्शन हाऊस आणि वैयक्तिक खात्यांमधून तब्बल 77 लाखांची फसवणूक केल्याचा आरोप आहे. दरम्यान, जुहू पोलिसांनी याप्रकरणी गुन्हा दाखल केला असून याप्रकरणाचा तपास सुरू आहे. अद्याप आलिया भट्ट आणि तिच्या टीमकडून कोणतंही अधिकृत स्पष्टीकरण समोर आलेलं नाही. 

आलियाची आई सोनी राजदान यांच्या तक्रारीवरून पोलिसांनी काही महिन्यांपूर्वी हा गुन्हा दाखल केला होता. सुमारे 5 महिन्यांनंतर आरोपीला बंगळुरू येथून अटक करून न्यायालयात हजर करण्यात आलं. वेदिकावर आलियाची बनावट सही करून दोन वर्षांत 77 लाख रुपयांची फसवणूक केल्याचा आरोप आहे.

पोलिसांनी दिलेल्या माहितीनुसार, वेदिका शेट्टीनं आपल्या पदाचा आणि कामाचा गैरफायदा घेऊन फसवणूक केली. आलियाच्या खात्यातून आणि कंपनीच्या पैशातून अनेक खोटी बिलं बनवली. खोटी बिलं तयार करुन तिनं रक्कम काढली. काही महिन्यांपासून ही रक्कम हळूहळू काढली जात होती. वेदिकाकडून होत असलेलया व्यवहारांवर कंपनी आणि आलियाची टीम लक्ष ठेवून होती. अखेर त्यांनी तिची चौकशी करुन हा गैरव्यवहार उघडकीस आणला.