दिल्लीच्या लाल किल्ला परिसरात मोठा बॉम्बस्फोट झाला. गेल्या कित्येक महिन्यांपासून या स्फोटाचे प्लॅनिंग सुरू होते. यात अनेक निष्पाप नागरिकांचा बळी गेला. सुरूवातीला हा स्फोट असल्याचे बोलले जात होते. मात्र, या स्फोटाची धागेदोरे थेट जैसपर्यंत जाऊन पोहोचले. पुलवामातील रहिवासी आणि पेशाने डॉक्टर असलेल्या उमरने हा स्फोट घडवून आणला.
दिल्लीच्या लाल किल्ला परिसरात स्फोट करण्याचा कट नव्हता तर अयोध्या किंवा वाराणसीत मोठा स्फोट करण्याचे नियोजन होते. मात्र, गडबडीत हा स्फोट झाल्याचे तपासात समोर आले आहे. थेट काही डॉक्टरांचा या बॉम्बस्फोटात सहभाग उघड झाला. तपास यंत्रणांकडून अनेकांना या प्रकरणात अटक करण्यात आली.
दरम्यान दिल्ली लाल किल्ला बॉम्बस्फोट प्रकरणात मोठी अपडेट समोर आली आहे. राष्ट्रीय तपास संस्थेने (एनआयए) दहशतवादी डॉ. शाहीनच्या कपाटातून तब्बल 18 लाख रुपये रोख जप्त केली आहे. ही रोकड शाहीनच्या खोली क्रमांक 22 च्या कपाटात ठेवण्यात आली होती आणि एका बॅगमध्ये लपवण्यात आली होती. भारतात मोठा बॉम्बस्फोट घडवून आणण्यासाठी मोठा पैसा जैशने भारतात पाठवला होता.
डॉक्टर शाहीन या बॉम्बस्फोटाची मास्टरमाईंट आहे. तपासात असे दिसून आले आहे की, शाहीनने 25 सप्टेंबर रोजी ब्रेझा कार खरेदी करण्यासाठी या पैशाचा वापर केला होता. शाहीनने एवढी मोठी रक्कम कशी मिळवली याचा तपास एनआयएकडून केला जात आहे.
