अधिकारी तुकाराम मुंढे हे त्यांच्या शिस्तप्रिय आणि निडर व्यक्तिमत्वामुळे नेहमीच चर्चेचा विषय असतात. दरम्यान आता तुकाराम मुंढे यांनी FDA ची सूत्रे हातात घेतल्यावर राज्यभरात मोठ्या कारवाया सुरू केल्या. भेसळ खोरांना सळो की पळो करून तुकाराम मुंडे यांनी सोडले असून मोठमोठ्या हॉटेल्स, रेस्टोट चालकांचे धाबे दणाणले आहेत.
दरम्यान , तुकाराम मुंढे यांच्याकडून करण्यात येणाऱ्या कारवायांमुळे लोक त्यांचे काैतुक करत आहेत. अनेक कार्यक्रमांना त्यांना बोलावले जातंय. हेच नाही तर लोक त्यांच्या कार्यक्रमांना मोठी गर्दीही करत आहेत. तुकाराम मुंडे कोणत्याही विभागात जावो, अशाचप्रकारची धडाकेबाज कामगिरी करताना दिसतात. मात्र, एकदा त्यांनी कारवाईला सुरूवात केली की, काही दिवसातच त्यांची बदली केली जाते. तुकाराम मुंढे यांच्या 21 वर्षात 25 बदल्या झाल्या आहेत. तुकाराम मुंडे यांची बदली झाली की, अधिकाऱ्यांचेही धाबे दणाणतात. हेच नाही तर FDA च्या काही अधिकाऱ्यांनी तुकाराम मुंडे यांची तक्रार केली. जास्त काम लागत असल्याचे कर्मचाऱ्यांचे म्हणणे आहे.
तुकाराम मुंढे कोणत्याही विभागात जावो, तिथे शिस्त लावल्याशिवाय राहत नाहीत. लोकांमध्ये तुकाराम मुंढे यांच्याबद्दल मोठी क्रेझ आहे. लोक तुकाराम मुंढे ज्या पद्धतीने काम करत आहेत, त्यांना देव मानत आहेत. त्यातच एफडीएचे आयुक्त तुकाराम मुंढे यांचे फोटो प्रत्येक घरात लावा.. असे आवाहन ग्रामस्थांना करण्यात आले. थेट प्रत्येक घरात तुकाराम मुंढेंचा फोटो असणार आहे.
मुक्ताईनगरच्या कु-हा ग्रामपंचायतने आज स्वातंत्र्यदिनानिमित्त ग्रामस्थांना आवाहन केले. प्रत्येक घरात तुकाराम मुंडे यांचा फोटो असावा. भेसळ माफियांकडून तुकाराम मुंढे यांच्या बदलीसाठी प्रयत्न सुरू आहे, तर दुसरीकडे तुकाराम मुंढे यांना पाठिंबा म्हणून ग्रामपंचायतच्या वतीने यांच्या फोटोचा अनावरण करण्यात आलं. थेट आता प्रत्येक घरात तुकाराम मुंढे यांचा फोटो असणार आहे.
महाराष्ट्रातील ही पहिली ग्रामपंचायत असणार आहे, ज्याच्याकडून असा निर्णय घेण्यात आला. तुकाराम मुंढे यांचे फोटो घराघरात लावा सरपंचांसह ग्रामस्थांनी हा निर्णय घेतला. तुकाराम मुंढे यांची कोणत्याही विभागात बदली झाली की, काही दिवसात त्यांच्या बदलीसाठी राजकीय नेत्यांकडून दबाव टाकला जातो. मात्र, कुठेही गेले तरीही तुकाराम मुंडे धडाकेबाज कामगिरी करतात म्हणजे करतातच.
