हार्दिक पांड्या आणि ‘मिस्ट्री गर्ल’ जास्मिन वालिया एकत्र? क्रिकेटपटूंच्या बसमध्ये चढताना दिसली हसीना, व्हिडीओ होतोय व्हायरल
हार्दिक पांड्या आणि ‘मिस्ट्री गर्ल’ जास्मिन वालिया एकत्र? क्रिकेटपटूंच्या बसमध्ये चढताना दिसली हसीना, व्हिडीओ होतोय व्हायरल
img
Dipali Ghadwaje
आयपीएल २०२५ स्पर्धेदरम्यान अनेकदा स्टेडियममध्ये दिसणाऱ्या ‘मिस्ट्री गर्ल्स’मुळे चर्चांना उधाण येते. सध्या अशीच चर्चा ब्रिटिश गायिका आणि टीव्ही प्रेझेंटर जास्मिन वालिया  हिच्याबद्दल सुरू आहे. ती मुंबई इंडियन्सच्या सामन्यांदरम्यान, विशेषतः संघाचा कर्णधार हार्दिक पांड्या याला पाठिंबा देताना दिसली आहे. इतकेच नाही, तर सामन्यानंतर ती संघाच्या अधिकृत बसमध्येही दिसल्याने दोघांमध्ये काहीतरी सुरू असल्याची चर्चा रंगली आहे.

सामन्यादरम्यान जास्मिन वालियाची उपस्थिती

आयपीएलचा थरार शिगेला पोहोचला असून, प्रत्येक सामन्यानंतर काहीतरी नवीन चर्चेला येत आहे. सोमवारी रात्री मुंबई इंडियन्स आणि केकेआर  यांच्यात झालेल्या सामन्यादरम्यान प्रेक्षक गॅलरीमध्ये जास्मिन वालियाची उपस्थिती अनेकांच्या नजरेत भरली. ती उत्साहाने मुंबई इंडियन्स संघाला आणि विशेष करून हार्दिक पांड्याला चीअर करताना दिसली.

सेलिब्रेटींची सामन्यांना उपस्थिती ही काही नवीन गोष्ट नाही, मात्र जास्मिनच्या उपस्थितीने आणि तिच्या उत्साहाने अनेकांचे लक्ष वेधून घेतले. आयपीएलसारख्या हाय-प्रोफाईल स्पर्धेत अशा घटनांमुळे अनेकदा वेगवेगळ्या चर्चा सुरू होतात.

सामन्यानंतर टीम बसमधील प्रवास आणि चर्चा

सामना संपल्यानंतर घडलेल्या एका घटनेने या चर्चांना अधिकच बळ दिले. सामन्यानंतर जास्मिन वालिया चक्क मुंबई इंडियन्स संघाच्या अधिकृत बसमध्ये दिसली. या संबंधित एक व्हिडिओ सध्या व्हायरल होत आहे.

सामान्यतः, आयपीएल फ्रँचायझी खेळाडू, कोचिंग स्टाफ आणि त्यांचे कुटुंबीय किंवा अत्यंत जवळच्या व्यक्तींसाठी हॉटेल ते स्टेडियम किंवा विमानतळापर्यंतच्या प्रवासासाठी विशेष बसची व्यवस्था करते. या बसमध्ये संघाशी संबंधित नसलेल्या व्यक्तींना प्रवेश नसतो.

मात्र, जास्मिन वालिया सामना संपल्यानंतर खेळाडू, कोचिंग स्टाफ आणि कुटुंबियांसोबत याच बसमधून प्रवास करताना दिसली. तिच्या या टीम बसमधील उपस्थितीमुळे हार्दिक पांड्या आणि तिच्या नात्याबद्दलच्या चर्चांना उधाण आले आहे. 

इतर बातम्या
Join Whatsapp Group