आयपीएल २०२६ मध्ये बांगलादेशी खेळाडूची निवड मोठ्या वादाला तोंड फोडणारी ठरली. बांगलादेशी खेळाडू मुस्तिफिझु रहमान याची निवड फक्त केकेआरसाठीच नाही तर शाहरुख खानला देखील मोठ्या अडचणीत आणणारी ठरली. अखेर बीसीसीआयने यात हस्तक्षेप केला आणि बीसीसीआयने केकेआरला मुस्तिफिझुर रहमानला संघाबाहेर करण्याचे आदेश दिले.
यानंतर केकेआरने त्याला संघातून बाहेर काढलं आहे. मिनी लिलावात डावखुरा वेगवान गोलंदाज मुस्तिफिझुर रहमान याच्यासाठी केकेआरने 9.2 कोटींची बोली लावली होती. मात्र त्याला बाहेर काढल्यानंतर त्याच्या जागी कोण हे मोठे आव्हान सध्या केकेआरसमोर असणार आहे. बीसीसीआयने मुस्तिफिझुर रहमानच्या बदल्यात दुसरा खेळाडू निवडण्याची मुभा दिली आहे. त्यामुळे त्याची जागा कोण घेणार याची उत्सुकता आहे.
केकेआरकडे त्याची जागा भरून काढण्यासाठी चार पर्याय आहेत. त्यापैकी एकाची निवड संघात केली जाऊ शकते. फॉर्म आणि संघाला फायदा होणाऱ्या खेळाडूची केकेआर निवड करेल, यात काही दुमत नाही.
रिचर्ड ग्लीसन : इंग्लंडचा वेगवान गोलंदाज रिचर्ड ग्लीसनवरही केकेआरच्या नजरा असतील. त्याने एसए20मध्ये चांगली कामगिरी केली होती. या लीगच्या 3 सामन्यात 8 विकेट घेतल्या आहे. इतकंच काय तर त्याचा गोलंदाजीचा माराही अचूक आहे. त्यामुळे हा पर्याय देखील केकेआरकडे असेल.
जोशुआ लिटिल : आयर्लंडचा डावखुरा वेगवान गोलंदाज जोशुआ लिटिल हा देखील चांगला पर्याय ठरू शकतो. त्याने टी20 आंतरराष्ट्रीय 74 सामन्यात 82 विकेट घेतल्या आहेत. तसेच एसए20, आयएलटी20, सीपीएलसारख्या लीग्समध्ये खेळण्याचा अनुभव आहे. त्याच्या गोलंदाजीची शैली मुस्तफिझुर रहमानसारखीच आहे.
फझलहक फारुकी : अफगाणिस्तानचा डावखुरा वेगवान गोलंदाज मुस्तिफिझुर रहमानची जागा घेऊ शकतो. त्याचा टी20मधील रेकॉर्ड चांगला आहे. आयपीएलमध्ये राजस्थान रॉयल्स आणि सनरायझर्स हैदराबादकडून खेळला आहे. त्याने 51 टी20 आंतरराष्ट्रीय सामन्यात 63 विकेट घेतल्या आहेत.
स्पेन्सर जॉन्सन : ऑस्ट्रेलियाचा डावखुरा गोलंदाज स्पेन्सर जॉनसन आयपीएल 2026 स्पर्धेसाठी चांगला पर्याय ठरू शकते. यापूर्वी कोलकाता नाईट रायडर्ससाठी खेळला आहे. त्यामुळे त्याच्याकडे चांगला अनुभव आहे.
