भारताने इंग्लंडविरुद्धचा पाचवा आणि शेवटचा कसोटी सामना एक डाव आणि 64 धावांनी जिंकून पाच कसोटी सामन्यांची मालिका 4-1 ने जिंकली. भारताने या मालिकेतील पहिला कसोटी सामना गमावला पण त्यानंतर उर्वरित चार कसोटी सामने जिंकले. पाचव्या दिवसापर्यंत एकही कसोटी सामना झाला नाही.
विराट कोहली, केएल राहुल आणि रवींद्र जडेजासारख्या दिग्गजांच्या अनुपस्थितीत भारताने युवा खेळाडूंच्या जोरावर मालिका जिंकली. दरम्यान मालिका जिंकल्यानंतर भारतीय क्रिकेट नियामक मंडळाचे सचिव म्हणजेच BCCI जय शाह यांनी भारतीय कसोटी संघासाठी मोठी घोषणा केली.
आता कसोटी क्रिकेट खेळणाऱ्या खेळाडूंना मॅच फी व्यतिरिक्त पैसेही मिळणार असल्याचं बीसीसीआयच्या सचिवांनी म्हटलं आहे. जय शाह यांनी एक प्रोत्साहन योजना जाहीर केली असून तिला कसोटी क्रिकेट प्रोत्साहन योजना असे नाव देण्यात आले आहे.
