दक्षिण आफ्रिके विरुद्ध पहिला एकदिवसीय सामना भारताने जिंकून मालिकेत १-० अशी आघाडी घेतली आहे.
रोहित शर्मा आणि यशस्वी जैस्वाल ही सलामी जोडी खेळण्यासाठी आली. भारताच्या 25 धावा फलकावर असताना यशस्वी 18 धावांवर आऊट झाला. त्यानंतर रोहित आणि विराट कोहली या दोघांनी दुसऱ्या विकेटसाठी शतकी भागीदारी केली. रोहित-विराटने दुसर्‍या विकेटसाठी 109 बॉलमध्ये 136 रन्सची भागीदारी केली. त्यानंतर रोहित 57 धावांवर आऊट झाला. ऋतुराज गायकवाड 8 आणि वॉशिंग्टन सुंदर 13 धावांवर बाद झाले. त्यामुळे भारताची 1 आऊट 161 वरुन 4 बाद 200 अशी स्थिती झाली. मात्र टीम इंडियाने विराट कोहली याच्या शतकाच्या जोरावर 349 धावा केल्या.
आफ्रिकेने रांचीत टीम इंडिया विरुद्ध 350 धावांचा पाठलाग करताना शेवटच्या ओव्हरपर्यंत जोरदार झुंज दिली. टीम इंडियासाठी कुलदीप यादव याने सर्वाधिक 4 विकेट्स घेतल्या. हर्षित राणा याने 3, अर्शदीप सिंह याने 2 विकेट्स मिळवल्या. तर प्रसिधने १ विकेट घेत भारताला विजयी केलं. धावांच्या डोंगरामुळे टीम इंडिया सामना जिंकणारच, असं चित्र होतं. मात्र दक्षिण आफ्रिकेच्याफलंदाजांनी भारतीय गोलंदाजांची धुलाई केली. त्यामुळे सामना शेवटच्या ओव्हरपर्यंत गेला.
कॉर्बिन बॉश याने अखेरच्या क्षणापर्यंत खिंड लढवली. दक्षिण आफ्रिकेला शेवटच्या ओव्हरमध्ये 18 धावांची गरज होती. मात्र प्रसिध कृष्णा याने कॉर्बिन बॉश याला आऊट केलं. दक्षिण आफ्रिकेचं यासह पॅकअप झालं. भारतीय गोलंदाजांनी दक्षिण आफ्रिकेला 49.2 ओव्हरमध्ये 332 रन्सवर ऑलआऊट केलं. भारताने यासह हा सामना 17 धावांनी जिंकला.
