महाराष्ट्र लोकसेवा आयोगामार्फत (MPSC) संपूर्ण वर्षभराचे म्हणजेच २०२५ मध्ये होणाऱ्या विविध परीक्षांचे वेळापत्रक जाहीर केले आहे. आयोगाकडून हे वेळापत्रक निश्चित करताना संघ लोकसेवा आयोग (यूपीएससी), राज्यातील विविध विद्यापीठे आणि इतर परीक्षा घेणाऱ्या इतर संस्था यांच्याकडून आयोजित करण्यात येणाऱ्या परीक्षांचे वेळापत्रक विचारात घेतले आहे. त्यानंतर MPSC परीक्षांचे वेळापत्रक निश्चित करण्यात आले आहे. त्यामुळे एमपीएससीची तयारी करणाऱ्या विद्यार्थ्यांना आता वेळापत्रकानुसार अभ्यास करणे सोयीचे होणार आहे.
तसेच, आयोगाच्या व विविध संस्थांच्या परीक्षा एकाच दिवशी आल्याने उमेदवारांचे नुकसान टाळण्यासाठी आयोगाच्या वेळापत्रकाची प्रत संबंधित संस्थांना पाठवली आहे. त्या संस्थांनी या तारखा टाळून आपल्या परीक्षा घ्याव्या, अशी सूचनाही आयोगाकडून करण्यात आली आहे. तसेच, आयोगाच्या mpsc.gov.in , mpsconline.gov.in या संकेतस्थळावर हे वेळापत्रक प्रसिद्ध करण्यात आले असल्याची माहिती आयोगाकडून देण्यात आली.
MPSC वेळापत्रक खालील प्रमाणे
दिवाणी न्यायाधीश कनिष्ठ स्तर आणि न्याय दंडाधिकारी प्रथम वर्ग परीक्षांमध्ये दिवाणी न्यायाधीश कनिष्ठ सर्व न्याय दंडाधिकारी प्रथम वर्ग पूर्व परीक्षा व मुख्य परीक्षा
- महाराष्ट्र अराजपत्रित गट- ब आणि गट-क सेवा संयुक्त परीक्षांमध्ये महाराष्ट्र अराजपत्रित गट-ब आणि गट-क सेवा संयुक्त पूर्व परीक्षा
- महाराष्ट्र अराजपत्रित गट- ब सेवा मुख्य परीक्षा
- सहाय्यक मोटार वाहन निरीक्षक मुख्य परीक्षा
- महाराष्ट्र गट- क सेवा मुख्य परीक्षा
- महाराष्ट्र राजपत्रित नागरी सेवा पूर्व परीक्षामध्ये महाराष्ट्र राजपत्रित नागरी सेवा संयुक्त पूर्व परीक्षा
- अन्न व औषध प्रशासकीय सेवा मुख्य परीक्षा
- महाराष्ट्र विद्युत आणि यांत्रिकी परीक्षा
- अभियांत्रिकी सेवा मुख्य परीक्षा
- महाराष्ट्र कृषी सेवा मुख्य परीक्षा
- महाराष्ट्र यांत्रिकी अभियांत्रिकी सेवा मुख्य परीक्षा
- महाराष्ट्र विद्युत अभियांत्रिकी सेवा मुख्य परीक्षा
- महाराष्ट्र स्थापत्य अभियांत्रिकी सेवा मुख्य परीक्षा
- निरीक्षक वैद्यमापक शास्त्र मुख्य परीक्षा
- राज्यसेवा मुख्य परीक्षा
- महाराष्ट्र वनसेवा मुख्य परीक्षा
