एमपीएससी औषध निरीक्षक पेपरफुटी प्रकरणात मोठी कारवाई करण्यात आली आहे. पेपर फुटी झाल्यानंतर एमपीएससीने औषध निरीक्षक , गट-ब, अन्न व औषध प्रशासन विभागाची परीक्षा रद्द केली. दरम्यान आता या प्रकरणी एक मोठी अपडेट समोर आली आहे. या पेपरफुटी प्रकरणी ६ जणांना अटक करण्यात आली आहे. अटक करण्यात आलेल्यामध्ये एमपीएससीच्या ३ अधिकाऱ्यांसह क्लास चालक आणि विद्यार्थ्याच्या नातेवाकांचा समावेश आहे. पेपरफुटी झाल्यामुळे एमपीएससीने परीक्षा रद्द करण्याचा निर्णय घेतला होता. या सगळ्यांना आज कोर्टात हजर केला असता त्यांना 2 सप्टेंबरपर्यंत पोलीस कोठडी सुनावण्यात आली आहे.
पेपर फुटी झाल्यानंतर एमपीएससीने औषध निरीक्षक , गट-ब, अन्न व औषध प्रशासन विभागाची परीक्षा रद्द केली. पेपरफुटीच्या गैरप्रकारामुळे एमपीएससीने हा निर्णय घेतला. या पेपरफुटीमागचा "आका" कोण आहे याची चौकशी झाली पाहिजे कारण आता सरकारने परीक्षा रद्द केली असली तरी विद्यार्थ्यांसाठी अंशतः दिलासा आहे. या प्रकरणाचा खरा सूत्रधार जेव्हा सापडेल तेव्हा त्याच्याकडून सगळं सत्य समोर येईल त्यामुळे त्याबाबत सखोल चौकशी व्हावी अशी मागणी या परीक्षा देणाऱ्या विद्यार्थ्यांनी केली आहे.
महत्त्वाची बाब म्हणजे या प्रकरणातील गैरप्रकाराचे रोहित पवार आणि विद्यार्थी संघटनांनी सातत्याने पाठपुरावा केला होता. त्यांच्या तक्रारीनंतर मुंबई पोलिसांकडे प्रकरणाची चौकशी सोपवण्यात आली होती. पोलिसांच्या प्राथमिक चौकशीत २० मार्च २०२६ ला काही विद्यार्थ्याना प्रश्नपत्रिका मिळाल्याचा आणि त्याचा लाभ झाल्याचा प्रकार निदर्शनास आला आहे. त्यामुळे आयोगाने हा निर्णय घेतला असून फेर परीक्षेची तारीख लवकरच जाहीर करण्यात येणार आहे.
