चित्रपटसृष्टीमधून एक धक्कादायक बातमी समोर आली आहे. मुंबईच्या जवळील काशीमिरा पोलीस ठाणे हद्दीत पोलिसांनी छापा टाकून वेश्याव्यवसाय रॅकेटचा पर्दाफाश केला आहे. धकाकदायक म्हणजे यात एका अभिनेत्रीला अटक करण्यात आली आहे.
वेश्याव्यसायाबद्दलच्या या रॅकेटची पोलिसांना गुप्त माहिती मिळाल्यानंतर त्यांनी दोन बनावट ग्राहक तयार केले. आरोपींनी ग्राहकांना मुंबई–अहमदाबाद महामार्गालगतच्या काशीमिरा येथील एका मॉलमध्ये बोलावले होते. पोलिसांनी रंगेहात सापळा रचत आरोपींना पैसे स्वीकारताना पकडले आणि त्यांना ताब्यात घेतले.यात 41 वर्षीय अभिनेत्री अनुष्का मोनी मोहन दास हिला अटक करण्यात आली आहे. या कारवाईत दोन टेलिव्हिजन मालिकांमधील तसेच बंगाली सिनेमातील महिला कलाकारांची सुटका करण्यात आली आहे.
पोलिसांनी सांगितले की, “हे रॅकेट उच्चभ्रू समाजातील ग्राहकांसाठी चालवले जात होते. आरोपी अभिनेत्री मध्यस्थाची भूमिका बजावत होती. तिला अटक करण्यात आली असून तपासात रॅकेटचे इतर धागेदोरे लवकरच समोर येण्याची शक्यता आहे.
