सोनं खरेदी करण्याचा विचार करणाऱ्यांसाठी आजची मोठी बातमी आहे. सोन्याच्या दरात पुन्हा एकदा मोठी घसरण झाली असून, ग्राहकांना काहीसा दिलासा मिळाला आहे. गेल्या काही दिवसांपासून सोन्याच्या दरात चढ-उतार सुरू असताना आजच्या घसरणीमुळे बाजारात चर्चेला उधाण आले आहे. त्यामुळे सुवर्णनगरीतील आजचा सोन्याचा भाव किती आहे आणि १ तोळे सोने खरेदी करण्यासाठी नेमके किती रुपये मोजावे लागणार, याकडे ग्राहकांचे लक्ष लागले आहे.
आज आठवड्याच्या पहिल्या दिवशी जळगावच्या सराफा बाजारात सोन्याच्या दरात पुन्हा बदल झाला आहे. आज २४ कॅरेटच्या १ तोळा सोन्याच्या दरामध्ये ५०० रुपयांची घसरण झाली आहे. तर चांदीच्या दरात आज कोणताही बदल झाला नाही.
जळगाव सुवर्ण बाजारात गेल्या आठवड्याच्या सुरुवातीला सोने-चांदीचे भाव कमी झाले होते. त्यानंतर सलग तीन दिवस भावात घसरण झाली. मात्र, आठवड्याच्या शेवटी सोनं– चांदीच्या दरात फारसा बदल झाला नसल्याचे चित्र पाहायला मिळत आहे. अशातच मागील ३ दिवसांपासून चांदीचे दर स्थिरावले असून सोन्याच्या दरात देखील किरकोळ घसरण झाली आहे. सोन्याच्या दरात रोज होणारी घसरणीमुळे ग्राहकांना दिलासा मिळाला.
आंतरराष्ट्रीय बाजारात सातत्याने होत असलेल्या बदलाचा परिणाम सोनं-चांदीच्या बाजारात होत असतो. दरात सातत्याने बदल होत असताना गेल्या आठवड्याच्या सुरुवातीपासूनच सोने-चांदीचे भाव कमी झाले हेाते. पहिल्या ३ दिवसांत सोनं- चांदीचे भाव कमी झाले होते. पण बुधवारी २ तारखेपासून दरात स्थिरता आली आहे. हिच स्थिती आज ७ सप्टेबरला म्हणजे आठवड्याच्या पहिल्याच दिवशी देखील कायम राहिली आहे.
६ सप्टेंबरला २४ कॅरेटच्या १ तोळा सोन्याचा विनाजीएसटी भाव १ लाख ५२ हजार रुपयांवर होता. हे दर आज ७ सप्टेंबर रोजी ५०० रूपयांनी कमी होवून १ लाख ५१ हजार ५०० रूपयांवर आले आहेत. तर चांदीचे प्रतिकिलो भाव गेल्या ३ दिवसांपासून विनाजीएसटी २ लाख ३६ हजार रूपयांवर कायम आहेत.
