चीन सरकार "बॅटल ऑफ गलवान" या चित्रपटावर नाराज असताना, दिल्ली उच्च न्यायालयाने एका चिनी कंपनीने दाखल केलेल्या याचिकेवर सलमान खानला नोटीस बजावली आहे. यामध्ये त्याला त्याचे उत्तर दाखल करण्यासाठी चार आठवड्यांची मुदत देण्यात आली आहे. या प्रकरणाची पुढील सुनावणी २७ फेब्रुवारी २०२६ रोजी होणार आहे.
दिल्ली उच्च न्यायालयाने बॉलिवूड सुपरस्टार सलमान खानला नोटीस बजावली आहे. ही नोटीस चीनमधील एका AI व्हॉइस जनरेशन प्लॅटफॉर्मच्या याचिकेवर देण्यात आली आहे, जी 11 डिसेंबर 2025 च्या अंतरिम आदेशाला रद्द करण्याची मागणी करत आहे. त्या आदेशात सलमानचा आवाज, नाव, फोटो आणि ओळखीचा परवानगीशिवाय व्यावसायिक वापर करण्यावर बंदी घालण्यात आली होती.
सलमान खानने आपल्या व्यक्तिमत्त्वाच्या हक्कांचे (पर्सनॅलिटी राईट्स) संरक्षण करण्यासाठी खटला दाखल केला होता, जेणेकरून कोणीही त्याच्या ब्रँड मूल्याचा गैरफायदा घेऊ नये.न्यायमूर्ती ज्योती सिंह यांच्या खंडपीठाने सुनावणीदरम्यान सलमानच्या वतीने वकील निजाम पाशा यांना हजर केले. चीनच्या कंपनीचे म्हणणे आहे की व्हॉइस मॉडेलिंग हा त्यांचा मुख्य व्यवसाय आहे, त्यामुळे या आदेशामुळे त्यांचा व्यवसाय प्रभावित होत आहे. न्यायालयाने सलमानला चार आठवड्यांत उत्तर मागितले आहे.
आता सलमान खानला 4 आठवड्यांच्या आत आपली बाजू मांडावी लागेल, सलमान खान सध्या आगामी चित्रपट 'बॅटल ऑफ गलवान' मध्ये व्यस्त आहेत, जो अपूर्वा लाखिया यांच्या दिग्दर्शनाखाली बनला आहे. हा चित्रपट 17 एप्रिल 2026 रोजी प्रदर्शित होणार आहे, ज्यात चित्रांगदा सिंह देखील दिसणार आहेत. शूटिंग पूर्ण झाले आहे आणि तो पोस्ट-प्रोडक्शन स्टेजमध्ये आहे.
