इराण आणि अमेरिका यांच्यातील युद्धामुळे संपूर्ण जगावर परिणाम झाला आहे. हे युद्ध कधी याची संपूर्ण जग वाट पाहत असतानाच इराणने बहरीनमधील ॲमेझॉनच्या मुख्यालयावर क्षेपणास्त्र हल्ला केला आहे. या हल्ल्यात ॲमेझॉन अंतर्गत येणाऱ्या बटेल्को कंपनीच्या इमारतीचे मोठे नुकसान झाले आहे.
प्राथमिक माहितीनुसार कालच इराणच्या सैन्याने गुगल, मायक्रोसॉफ्ट आणि अॅपल यांसारख्या अमेरिकेतील 18 प्रमुख कंपन्यांवर 1 एप्रिलपासून हल्ले करण्याची धमकी दिली होती. त्यानंतर आता इराणने हा हल्ला केला आहे. ॲमेझॉनच्या कार्यालयावर झालेला हा हल्ला असे दर्शवतो की हे युद्ध आता पारंपरिक आणि लष्करी ठिकाणांपुरते मर्यादित न राहता आयटी आणि डिजिटल पायाभूत सुविधांपर्यंत पोहोचले आहे.
या 18 कंपन्यांना धमकी
अॅपल , गूगल, डेल, मायक्रोसॉफ्ट, इंटेल , IBM, टेस्ला, बोइंग, ह्यूलेट पॅकार्ड, HP, सिस्को, ओरेकल, मेटा, जेपी मॉर्गन, जनरल इलेक्ट्रिक, G42, एनव्हिडिया, प्लॅन्टर या मोठ्या कंपन्यांना इराणकडून धमकी देण्यात आली आहे .
इराणच्या लष्कराने काल अमेरिकन कंपन्यांबाबत एक निवेदन जारी केले होते. यात त्यांनी म्हटले होते की, ‘या मोठ्या आयटी आणि एआय कंपन्या इराणविरुद्ध चालवल्या जाणाऱ्या मोहिमांमध्ये अमेरिकेला मदत करत आहेत. या कंपन्या केवळ सॉफ्टवेअर तयार करत नाहीत, तर हल्ल्यांची योजना आखण्यात आणि ते अंमलात आणण्यातही सहभागी आहेत.
इराणी लष्कराने पुढे म्हटले होते की, ‘इराणमध्ये होणाऱ्या कोणत्याही दहशतवादी हल्ल्याच्या प्रत्युत्तरात आम्ही काही निवडक कंपन्या आणि त्यांच्या युनिट्सना पूर्णपणे नष्ट करू. या कंपन्यांमध्ये काम करणाऱ्या कर्मचाऱ्यांना आपले प्राण वाचवण्यासाठी तात्काळ कार्यालय किंवा कार्यस्थळ सोडण्याचा सल्ला देण्यात आला होता. त्यानंतर आता इराणने हा हल्ला केला आहे.
