महाराष्ट्र विधानसभा निवडणुकीसाठी काँग्रेसने काल रात्री उशिरा पाचवी यादी जाहीर केली आहे.
काँग्रेसने सोमवारी रात्री जाहीर केलेल्या यादीमध्ये चार नावांचा समावेश आहे. यामध्ये अकोला पश्चिम मतदारसंघातून साजिद खान मन्नन खान, कुलाब्यातून हीरा देवासी, सोलापूर शहर मध्यमधून चेतन नरोटे आणि कोल्हापूर उत्तर विधानसभा मतदारसंघातून मधुरीमाराजे मालोजीराजे छत्रपती यांना उमेदवारी देण्यात आलेली आहे.
काँग्रेसने कोल्हापूर उत्तरमधून राजेश लाटकर यांना उमेदवारी जाहीर केली होती. आता ही उमेदवारी बदलून मधुरीमाराजे यांना देण्यात आलेली आहे.
