महाराष्ट्रातील बहुचर्चित लाडकी बहीण योजनेवरुन अनेक आरोप प्रत्यारोप झाले तसेच या योजनेवर मोठ्या प्रमाणात टीका देखील झाली. दरम्यान आता पुन्हा एकदा ठाकरे गटातील एका नेत्याने टीका केली आहे.
ठाकरे गटाचे नेते आणि माजी खासदार विनायक राऊत यांनी नुकतंच पत्रकार परिषद घेतली. या पत्रकार परिषदेत विनायक राऊत यांनी लाडकी बहिण योजनेबद्दल भाष्य केले आहे. यावेळी विनायक राऊत यांनी लाडकी बहीण योजनेला अजित पवार टाळ मारणार असल्याचा मोठा दावा केला आहे.
दुदैवाने राज्यकर्त्यांची गरज सरो आणि वैद्य मरो अशी अवस्था आहे. त्यामुळे लाडकी बहीण योजना जाहीर केली आणि आता त्याच काम संपलं. त्यामुळे 1500 रुपये तरी मिळतील का अशी शंका आहे. महापालिका आणि जिल्हापरिषद निवडणुका झाल्या की अजित पवार या योजनेला टाळ मारतील, असे विनायक राऊत म्हणाले.
तसेच , विधानसभेमध्ये मतदारांना फसवायचे, थापेबाजी करायची आणि त्यांच्या खात्यामध्ये लाडक्या बहिणीचे सरसकट रक्कम जमा केली. आता त्यांचं काम फसलेला आहे. त्यांना गरज भासलेली नाही. त्यामुळे 2100 तर सोडा, पुढच्या अर्थसंकल्पात 1500 रुपये मिळतील का? हेही शंका आहे. किमान 30 ते 35 लाख लाडक्या बहिणी प्राथमिक लाभापासून वंचित होतील. शिल्लक राहिलेल्या महानगरपालिका जिल्हा परिषद निवडणुकांपर्यंत रेटत राहिले जाईल. येणाऱ्या अर्थसंकल्पात अजित पवार साहेब याला टाळ मारतील. दुर्दैवाने महाराष्ट्रातल्या या सध्याच्या राज्यकर्त्यांची गरज सरो वैद्य मरो अशी भूमिका आहे. आता त्यांचं काम संपलेला आहे, लाभाचे निकष आता ठरलेले नाही, हे पूर्वीपासून ठरलेले आहेत, असे विनायक राऊत म्हणाले.
