आजकाल कुठे आणि काय घडेल याचा काही नेमच नाही. दरम्यान अशीच एक अवाक करणारी घटना आता उघडकीस आली आहे. उत्तर प्रदेशच्या अलीगढमध्ये काकी आणि भाचाच्या नात्याला कलंकित करणारी ही घटना इगलास कोतवाली क्षेत्रातील एका गावची आहे. दोन मुलांची आई, वय वर्ष 40 शेजारी राहणारा एक अल्पवयीन मुलगा तिच्या नजरेत भरला. हा मुलगा नात्यात या महिलेचा भाचा लागायचा. या महिलेने वासनेच्या आहारी जाऊन तब्बल अडीच वर्ष या अल्पवयीन भाच्याचं शारीरिक शोषण केलं. हद्द तेव्हा झाली, जेव्हा महिलेने गावच्या पंचायतीसमोर अल्पवयीन भाच्यापासून गर्भवती असल्याच सांगितलं. मुलाच्या आईच्या तक्रारीवरुन पोलिसांनी आरोपी महिलेला अटक करुन तुरुंगात टाकलं आहे.
पीडित मुलाने सांगितलं की, काकीने मागच्या अडीच वर्षांपासून मला घाबरवून, धमकावून माझ्याशी जबरदस्त शारीरिक संबंध ठेवले. ती सतत धमकावायची की, ऐकला नाहीस तर बलात्काराची खोटी तक्रार दाखल करेन. लोकलाजेस्तव आणि तुरुंगात जाण्याच्या भितीपोटी अल्पवयीन भाचा हे सर्व सहन करत होता. पण जेव्हा महिलेने कायम सोबत राहण्यासाठी लग्नाचा दबाव टाकायला सुरुवात केली, त्यावेळी पाणी डोक्यावरुन गेलं. घाबरलेल्या युवकाने लगेच घरी जाऊन आपल्या आईला हा सर्व प्रकार सांगितला. ते ऐकल्यानंतर कुटुंबाच्या पायाखालची जमीनच सरकली
विषयाचं गांभीर्य आणि कुटुंबाची प्रतिष्ठा लक्षात घेऊन इंस्पेक्टर डीके सिसौदिया यांच्या उपस्थितीत गावची पंचायत बोलवण्यात आली. पंचायतीत महिलेला पती आणि सासरची मंडळी तिला समाजवण्याचा प्रयत्न करत होते. एवढं सर्व घडल्यानंतरही नवरा तिला सोबत ठेवायला तयार होता. पण दोन मुलांची आई असलेली महिला काहीही ऐकायला तयार नव्हती. अल्पवयीन भाच्यासोबतच मी राहणार यावर ती महिला अडून बसली. तिने पंचायतीसमोर कबूल केलं की, भाच्यासोबतच्या संबंधांमुळे ती अडीच महिन्यांची गर्भवती आहे. नवऱ्याला सोडून भाच्यासोबत संसार थाटणार यावर ती अडून बसलेली. पंचायतीने समजावूनही काही फरक पडला नाही. परिस्थिती हाताबाहेर गेली, तेव्हा पोलिसांनी गुन्हा नोंदवून महिलेला अटक केली.
